Widgets Magazine

నవంబర్ 12న రాత్రి గం.9 డిస్కవరీ చానెల్లో.... కేరళ వరదలు-ఒక మానవత దృక్పథంలోని విజయగాథ

Floods
Last Updated: శుక్రవారం, 9 నవంబరు 2018 (21:27 IST)
హైదరాబాద్: `కేరళ ఫ్లడ్స్- ది హ్యూమన్ స్టోరీ` పేరుతో రూపొందించిన గంట నిడివి గల ప్రత్యేక డాక్యుమెంటరీ ఇటీవల సంభవించిన భీతావహ వరదల సమయంలో కేరళీయులు విశ్వాసం కోల్పోయిన స్థితి, ప్రస్తుతం వారు తమ రాష్ట్రాన్ని పునర్ నిర్మించుకుంటున్నవిధానం ఈ క్రమంలో వారు చూపుతున్న స్ఫూర్తిని డిస్కవరీ చానెల్ ద్వారా చాటిచెప్పనుంది. విపత్తు సమయంలో స్థానికులు చూపించిన ధీరోదాత్తతను విజయగాథ రూపంలో ఈ డాక్యుమెంటరీ చాటి చెప్పనుంది. 
 
విపత్తు సమయంలో ఆపదలోని ప్రజలను ఆదుకునేందుకు దేశవ్యాప్తంగానే కాకుండా ప్రపంచవ్యాప్తంగా స్పందించిన వారి గురించిన విశిష్ట గాథలను సైతం ఈ డాక్యుమెంటరీలో పొందుపర్చారు. రెస్క్యూ ఆపరేటర్లుగా మారిన మత్య్సకారులు, ఈ క్రమంలో డిఫెన్స్ సిబ్బందికి అందించిన సహాయ సహకారాలు, స్వచ్ఛంద సేవాసంస్థలతో కలిసి సేవలు అందించిన సినీ నటులు, యువ ఔత్సాహికులైన వ్యాపారవేత్తలు, ఇలా వివిధ రూపాల్లో పెద్ద ఎత్తున విరుచుకుపడిన వరదల సమయంలో స్థానికులకు సహాయసహకారాలు అందించిన వారందరినీ ఇందులో పొందుపర్చనున్నారు. 
 
ఈ డాక్యుమెంటరీలో సజితాజబిల్ యొక్క విజయగాథను సైతం పొందుపర్చారు. తన ప్రసూతికి కేవలం మూడు రోజుల సమయం ముందే ఓ వైపు ముంచెత్తుతున్న వరద ప్రవాహంతో పెరిగిపోతున్న నీటిమట్టం, మరోవైపు సమీపిస్తున్న నొప్పులతో ఆమె పడ్డ ఆవేదనను ఈ డాక్యుమెంటరీలో కళ్లకు కట్టినట్లు చూపించారు. ఇండియన్ నేవీ అత్యంత నాటకీయ పద్దతిలో నిర్వహించిన రెస్క్యూ ఆపరేషన్, తద్వారా  ప్రతిష్టాత్మకంగా నేవీ చరిత్రలో నిలిచిపోయిన తీరును ఇందులో ఉదహరించనున్నారు. ఆ రోజు మధ్యాహ్నం వరకు ఆమెకు జన్మించిన చిన్నారి సుభాన్‌కు తన జన్మకు ముందు సంభవించిన ఘటనలు, తనకు జన్మను అందించిన తల్లి అనుభవించిన కష్టాల గురించి ఈ డాక్యుమెంటరీలో కళ్లకు కట్టినట్లు చూపించనున్నారు. గంట నిడివి గల ఈ ప్రత్యేకమైన డాక్యుమెంటరీ నవంబర్ 12, 2018న రాత్రి 9 గంటలకు డిస్కవరీ ఛానెల్లో మాత్రమే ప్రసారం కానుంది.
సహాయక చర్యలు
 
ఈ విపత్తు పరిణామాలన్నీ స్వాతంత్ర్య దినోత్సవం నాడు చోటుచేసుకున్నాయి. ఆగస్టు పదిహేనవ తేదీన కుండపోతగా కురుస్తున్న వానకు కేరళ తడిసి ముద్దయిపోయింది. కేరళ వాసులు గత వందేళ్ల కాలంలో ఎన్నడూ చవిచూడని భీకర వర్షపాతాన్ని తాము అనుభవించబోనున్నామని స్వల్ప కాలంలోనే స్థానికులు గుర్తించారు. 11 రోజుల పాటు వరుసగా నిరంతరాయంగా కురిసిన కుండపోత వర్షం వల్ల కేరళలో దాదాపు 25 ట్రిలియన్ల లీటర్ల నీరు కేరళను ముంచెత్తింది. 


దీనిపై మరింత చదవండి :