Widgets Magazine

బాహుబలి-2 స్టంట్ చేయబోయాడు.. ఏనుగు విసిరికొట్టింది (వీడియో)

బాహుబలి 2 సినిమాలో తొలి పాటలో ప్రభాస్ ఏనుగు తొండంపై నిల్చుంటాడు. అలాంటి స్టంట్‌ను రియల్‌గా చేయాలనుకున్న ఓ యువకుడు చావుకోరలు వరకు వెళ్లొచ్చాడు. ఫలితంగా చావు తప్పి కన్నులొట్టబోయిన చందంగా ఆస్పత్రి పాలైయ్

selvi| Last Updated: మంగళవారం, 14 నవంబరు 2017 (11:08 IST)
బాహుబలి 2 సినిమాలో తొలి పాటలో ప్రభాస్ ఏనుగు తొండంపై నిల్చుంటాడు. అలాంటి స్టంట్‌ను రియల్‌గా చేయాలనుకున్న ఓ యువకుడు చావుకోరలు వరకు వెళ్లొచ్చాడు. ఫలితంగా చావు తప్పి కన్నులొట్టబోయిన చందంగా ఆస్పత్రి పాలైయ్యాడు.

వివరాల్లోకి వెళితే.. కేరళలోని తిరువనంతపురం సమీపంలోని ఇడుక్కి థోడుపూఝాలో బాహుబలి-2లో ప్రభాస్ చేసిన విన్యాసం చేస్తానని.. తన స్నేహితుడ్ని వీడియో తీయాలని కోరాడు. దానికి అంగీకరించిన ఆ యువకుడు వీడియో తీయడం మొదలు పెట్టాడు. దీంతో సాహసం చేయాలనుకున్న యువకుడు ఒక ఏనుగు దగ్గరకి వెళ్లి దానికి అరటిపండు అందించాడు.
దానిని అది ఆనందంగా అందుకుంది. తరువాత దాని తలపై సుతారంగా ముద్దు పెట్టాడు. అప్పుడు కూడా మౌనంగా ఉంది. అంతటితో ఆగకుండా.. మెల్లగా దాని దంతాలు పట్టుకుని పైకెక్కేందుకు ప్రయత్నించాడు. అయితే ఏనుగుకు ఎక్కడ లేని కోపం వచ్చేసింది. అంతే తొండంతో ఆ యువకుడిని నేలకేసి విసిరికొట్టింది.

క్షణమాగితే ప్రాణాలు పోయేవే.. కానీ వీడియో తీస్తున్న యువకుడు వేగంగా స్పందించి, అతనిని రక్షించి, గాయాలపాలైన అతనిని ఆసుపత్రిలో చేర్చాడు. దీంతో చావుతప్పి చికిత్స పొందుతున్నాడు. ఆ యువకుడు బాహుబలి-2 స్టంట్ ఎలా చేశాడో ఈ వీడియోలో చూడొచ్చు.



దీనిపై మరింత చదవండి :