బెంగళూరులో అద్భుతం.. డ్రైవర్ లేని బైకుపై చిన్నారి.. 300 మీటర్ల జర్నీ!
బెంగళూరులో అద్భుతం జరిగింది. ఘోర రోడ్డు ప్రమాదం నుంచి ఓ చిన్నారి సురక్షితంగా బయటపడింది. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. వివరాల్లోకి వెళితే, చన్నపరమేశ్వర్, రేణుక దంపత
బెంగళూరులో అద్భుతం జరిగింది. ఘోర రోడ్డు ప్రమాదం నుంచి ఓ చిన్నారి సురక్షితంగా బయటపడింది. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. వివరాల్లోకి వెళితే, చన్నపరమేశ్వర్, రేణుక దంపతులు తమ ఐదేళ్ల చిన్నారితో కలసి బేగూరు నుంచి బెంగుళూరుకు బైక్‌పై వెళ్తున్నారు. వారికి ముందుగా వెళ్తున్న బైక్‌ను చిన్నారి తండ్రి వేగంగా ఢీకొట్టాడు.
ఈ ఘటనలో దంపతులిద్దరూ బైకు నుంచి కింద పడిపోయారు. కానీ వారి బైకు మాత్రం కిందపడకుండా.. ముందు కూర్చున్న చిన్నారితో పాటు అదే వేగంతో రోడ్డుపై ప్రయాణించింది. ఇలా దాదాపు 300 మీటర్ల మేర ప్రమాదానికి గురైన బైకు ప్రయాణించింది. ఆ తర్వాత వేగం తగ్గడంతో బైకు రోడ్డుకు పక్కనే వున్న డివైడర్‌ను ఢీకొంది. దీంతో ఆ చిన్నారి పక్కనే వున్న గడ్డిలో పడ్డాడు.
ఇంతలో బాటసారులు ఆ బిడ్డను పరిగెత్తుకుంటూ వచ్చి ఎత్తుకున్నారు. ఈ ఘటన మొత్తం వెనుకనే వస్తున్న ఓ కారు కెమెరాలో రికార్డ్ అయింది. ఆదివారం సాయంత్రం బెంగుళూరు రూరల్‌లోని నేలమంగళ ప్రాతంలో ఈ ఘటన చోటు చేసుకుంది. దంపతులిద్దరికీ ఈ ప్రమాదంలో స్వల్ప గాయాలయ్యాయి. ఈ వీడియోను ఓ పోలీసు ట్విట్టర్‌లో షేర్ చేశారు. ఈ వీడియో ప్రస్తుతం సోషల్ మీడియాలో వైరల్ అవుతోంది.
