మేషం: ఆదాయ వ్యయాలు ఫర్వాలేదనిపిస్తాయి. ప్రయాణాలు ఉల్లాసంగా సాగుతాయి. ఆత్మీయుల నుంచి అందిన ఆహ్వానం మిమ్ముల్ని ఇరకాటానికి గురిచేస్తుంది. ముఖ్యుల రాక మీకెంతో ఆనందం కలిగిస్తుంది. పంతాలకు పోకుండా లౌక్యంగా మీ పనులు చక్కబెట్టుకోవలసి వుంటుంది. వృత్తిపరంగా ఎదురైన సమస్యలను అధికమిస్తారు.
వృషభం: వృత్తి, వ్యాపారాలు ప్రోత్సాహకరంగా ఉంటుంది. శారీరక శ్రమ వల్ల ఆరోగ్యంలో సంతృప్తి కానరాదు. గత కొంతకాలంగా అనుభవిస్తున్న చికాకులు క్రమంగా తొలగిపోగలవు. పత్రికా సంస్థల్లోని వారు ఒక ప్రకటన పట్ల ఆకర్షితులవుతారు. ఇతరుల గురించి అనాలోచితంగా చేసిన వ్యాఖ్యలు వివాదాస్పదమవుతాయి.
మిథునం: ఏ యత్నం కలిసిరాక నిరుద్యోగులు అనుక్షణం అశాంతికి లోనవుతారు. ఎంతటి క్లిష్ట సమస్యనైనా ధైర్యంగా ఎదుర్కొంటారు. నూతన పరిచయాలేర్పడతాయి. విద్యార్థులు భయాందోళనలు వీడి శ్రమించినట్లైతే సత్ఫలితాలు లభిస్తాయి. సంఘంలోను, కుటుంబంలోను మీ మాటకు ఆదరణ లభిస్తుంది.
కర్కాటకం: ప్రయాణాలు, బ్యాంకింగ్ రంగాల్లో వారికి మెలకువ అవసరం. స్పెక్యులేషన్ నిరుత్సాహపరుస్తుంది. ఇంటా బయటా ప్రశాంతత నెలకొంటుంది. భాగస్వామిక వ్యాపారులు, రియల్ ఎస్టేట్ రంగాల వారికి ఊహించని చికాకులు ఎదురవుతాయి. స్త్రీలకు కొత్త పరిచయాలు, వ్యాపకాలు పెంపొందుతాయి.
సింహం: మీ బాధ్యతలను ఇతరులకు అప్పగించడం మంచిది కాదు. నిరుద్యోగులకు ప్రముఖుల సిఫార్సుతో మంచి అవకాశం లభిస్తుంది. స్త్రీలకు చుట్టుపక్కల వారి నుంచి ఆహ్వానాలు అందుతాయి. గృహ నిర్మాణాల్లో కాంట్రాక్టర్లు, బిల్డర్లకు ఒత్తిడి అధికం. విద్యార్థినులకు వాహనం నడుపునప్పుడు ఏకాగ్రత ముఖ్యం.
కన్య: మీ ఆలోచనలు, పథకాలు కార్యరూపం దాల్చుతాయి. ఆలయాలను సందర్శిస్తారు. ఉపాధ్యాయులకు ఒత్తిడి, చికాకులు అధికమవుతాయి. వాహనం, విలువైన వస్తువులు అమర్చుకోవాలనే మీ కోరిక నెరవేరుతుంది. బ్యాంకు పనుల్లో ఏకాగ్రత ముఖ్యం. వ్యాపారాల్లో పోటీని తట్టుకోవడంతో పాటు క్రమంగా స్థిరపడతారు.
తుల: విద్యార్థులకు ధ్యేయం పట్ల ఏకాగ్రత నెలకొంటుంది. ప్రయత్నపూర్వకంగా మీ పనులు సానుకూలమవుతాయి. రుణం ఏ కొంతైనా తీర్చాలనే మీ సంకల్పం నెరవేరుతుంది. స్త్రీలకు విలాసవస్తువులు, అలంకారాల పట్ల మక్కువ పెరుగుతుంది. కొన్ని వ్యవహారాలు అనుకూలించినా మరికొన్ని ఆందోళన కలిగిస్తాయి.
వృశ్చికం: ఉపాధ్యాయులకు, మార్కెటింగ్ రంగాల వారికి ఒత్తిడి, పనిభారం అధికం. భాగస్వామిక, సొంత వ్యాపారాలు సంతృప్తికరంగా సాగుతాయి. కోర్టు వ్యవహారాల్లో ప్లీడర్ల ధోరణి ఆందోళన కలిగిస్తుంది. ముఖ్యులతో సంప్రదింపులు, వ్యాపార లావాదేవీలకు అనుకూలం. స్త్రీల ఆరోగ్యంలో తగు జాగ్రత్త అవసరం.
ధనస్సు: వ్యాపారాల్లో నిలదొక్కుకోవటానికి మరింతగా శ్రమించాలి. ఉద్యోగస్తులు అందరితో సఖ్యతగా మెలుగుతూ తమ పనులు సునాయాసంగా పూర్తి చేసుకోగలుగుతారు. కానివేళలో ఇతరుల రాక ఇబ్బంది కలిగిస్తుంది. ప్రింటింగ్ రంగాల వారికి బకాయిల వసూళ్ళలో శ్రమాధిక్యత, ప్రయాసలు వంటివి తప్పవు.
మకరం: కాంట్రాక్టర్లకు రావలసిన ధనం అందడంతో ఆగిపోయిన పనులు పునఃప్రారంభమవుతాయి. మిత్రులను కలుసుకుంటారు. రియల్ ఎస్టేట్ వారికి ఊహించని చికాకులు ఎదురవుతాయి. ఎదుటివారితో మితంగా సంభాషించడం మంచిది. నిరుద్యోగులు వచ్చిన అవకాశాన్ని సద్వినియోగం చేసుకోవడం మంచిది.
కుంభం: విద్యార్థులు మానసికంగా కుదుటపడతారు. ఏ పని తలపెట్టినా తిరిగి మొదటికే వస్తాయి. దంపతుల మధ్య పలు విషయాలు చర్చకు వస్తాయి. కుటుంబ విషయాల పట్ల శ్రద్ధ వహించండి. స్వయంకృషితో రాబడికి మించి ఖర్చులుంటాయి. అధికారులు ధన ప్రలోభాలకు దూరంగా ఉండటం క్షేమదాయకం.
మీనం: ఉద్యోగస్తులకు పై అధికారుల నుంచి మంచి గుర్తింపు, రాణింపు లభిస్తుంది. రాజకీయాల్లోని వారికి కార్యకర్తల వల్ల సమస్యలు ఎదుర్కొంటారు. వృత్తులు, క్యాటరింగ్ పనివారలకు పురోభివృద్ధి కానవస్తుంది. ప్రింటింగ్, స్టేషనరీ వ్యాపారస్తులకు చురుకుదనం కానవస్తుంది. స్త్రీలు దైవ సేవా కార్యక్రమాల్లో చురుకుగా పాల్గొంటారు.
