గురువారం, 28 మార్చి 2024
  1. ఆధ్యాత్మికం
  2. ఆధ్యాత్మికం వార్తలు
  3. కథనాలు
Written By
Last Updated : మంగళవారం, 27 నవంబరు 2018 (15:47 IST)

దైవానికి కొబ్బరికాయ కొట్టే ముందు.. ఇలా చేయాల్సిందే..?

సాధారణంగా చాలామంది వారు చేయాలనుకున్న కార్యక్రమాలన్నీ ఎలాంటి అడ్డంకులు లేకుండా జరిగే దేవుళ్లందరుకు కొబ్బరికాయ కొట్తానని మొక్కుకుంటారు. అలానే కొట్టిన కొబ్బరికాయ కుళ్లినప్పుడు చాలా ఆందోళన చెందుతుంటారు. ఏం చేయాలి స్వామి ఇలా అయిపోయిందే అంటూ.. చింతిస్తుంటారు. అసలు కొబ్బరికాయను భగవంతులకు ఎందుకు కొట్టాలో తెలుసుకుందాం...
 
దైవానికి కొబ్బరికాయ కొట్టటం శాంతికారకం, అరిష్ట నాశకం. శాస్త్రం ప్రకారం కొబ్బరికాయను కొట్టటానికి కొన్ని నియమాలు ఉన్నాయి. కొబ్బరికాయను భగవంతునికి సమర్పించే ముందు దానిని స్వచ్ఛమైన నీటితో కడిగి ఆ తరువాత భగవంతునికి స్మరిస్తూ దానిని కొట్టాలి. 
 
రాయిపై కొబ్బరికాయను కొట్టేవారు ఆ రాయిని ఆగ్నేయ కోణంగా ఉండేటట్లు చూసుకోవాలి. కొబ్బరికాయ సరిసమానంగా పగలటం మంచిదే. అయితే ఒకవేళ వంకరటింకరగా పగిలినప్పటికీ లేదా కుళ్లిపోయినట్లు కనిపించినప్పటికీ దిగులు పడాల్సిన అవసరం లేదని పండితులు చెప్తున్నారు. 
 
అదేవిధంగా కొబ్బరి నీటిని అభిషేకించేటప్పుడు కొబ్బరికాయను కొట్టి దానిని విడదీయకుండా చేతితో పట్టుకుని అభిషేకం చేయకూడదు. కాయను కొట్టి ఆ జలాన్ని ఓ పాత్రలోకి తీసుకుని, కాయను వేరుచేసి ఉంచి ఆ పాత్రలోని కొబ్బరినీటితో మాత్రమే అభిషేకం చేయాలని పురాణాలు చెబుతున్నాయి.