తెలంగాణ వ్యాప్తంగా ‘నోటా’కు పోలైన ఓట్లు ఎన్నో తెలుసా?

తెలంగాణలో అసెంబ్లీ ఎన్నికల ఫలితాలు వెలువడ్డాయి. అతిపెద్ద పార్టీగా టీఆర్ఎస్ విజయం వైపు దూసుకుపోయింది. ఈ ఎన్నికల్లో జాతీయ పార్టీలు కూడా అత్యల్ప సీట్లకు పరిమితం అయ్యాయి. అయితే నోటా(నన్ ఆఫ్ ది ఎబోవ్)కి ఎన్ని ఓట్లు పోలయ్యాయన్న దానిపై విద్యావంతుల్లో ఆసక్తి నెలకొంది. ఇప్పుడున్న రాజకీయ నేతలు ప్రకటిస్తున్న ఉచిత పథకాలు, వాళ్లు చేస్తున్న అవినీతి కార్యక్రమాలు, వారికి పాలనాపరమైన అవగాహన లేకపోవడం, పెరుగుతున్న నిరుద్యోగ సమ్యస.. అనేవి యువతలో వ్యతిరేకతను పెంచుతున్నాయి.

ఈ నేపథ్యంలో నోటాకు పోలయ్యే ఓట్ల సంఖ్య పెరుగుతోంది. ఈ ఎన్నికల్లో కూడా నోటాకు కీలకంగా ఓట్లు పోలయ్యాయి. తెలంగాణలోని 119 నియోజకవర్గాల్లో.. అత్యధిక స్థానాల్లో నోటాకు వెయ్యికి పైగా ఓట్లు పోలయ్యాయి. వర్ధన్నపేట నియోజకవర్గంలో అత్యధికంగా 5864(సాయంత్రం 4 గంటల వరకు) ఓట్లు నోటాకు వచ్చాయి. అలాగే ఖమ్మం, ములుగు నియోజకవర్గాల్లో జాతీయపార్టీ బీజేపీ అభ్యర్థుల కంటే నోటాకే ఎక్కువ ఓట్లు రావడం విశేషం.

ఎన్నికల సంఘం వెబ్‌సైట్‌ ప్రకారం సాయంత్రం 4 గంటల వరకు తెలంగాణలోని 119 నియోజకవర్గాల్లో నోటాకు పోలైన ఓట్లు ఇవీ..

అచ్చంపేట-1485,

ఆదిలాబాద్-1110

ఆలేరు-1120,

అలంపూర్-3399,

అంబర్‌పేట్-1372,

ఆందోల్-803,

ఆర్మూర్-1657

ఆసీఫాబాద్-2602

అశ్వరావుపేట-588,

బహుదూర్‌పుర-1210,

బాల్కొండ-593,