పొరుగు రాష్ట్రాల అమ్మాయిలతో ఎంఐఎం నేత ఇంట్లో రేవ్ పార్టీ!
హైదరాబాద్ నగరంలోని చాంద్రాయణగుట్ట పోలీస్‌స్టేషన్‌ పరిధిలో కొందరు మజ్లిస్‌ పార్టీ నేతలు రేవ్ పార్టీ నిర్వహించారు. ఈ పార్టీ కోసం పొరుగు రాష్ట్రాల నుంచి అందమైన అమ్మాయిలను రప్పించారు. ఈ విషయం అనూహ్యంగా బయటకుపొక్కింది.
తాజాగా వెలుగులోకి వచ్చిన ఈ వివరాలను పరిశీలిస్తే, బార్కాస్‌కు చెందిన మజ్లిస్‌ పార్టీ నాయకుడు పర్వేజ్‌కు గౌస్‌నగర్‌ ఉందాహిల్స్‌లో ఇంపీరియల్‌ ఫాం హౌజ్‌ ఉంది.
కాగా ఈ ఏడాది ఫిబ్రవరి 13వ తేదీన పర్వేజ్‌ తన స్నేహితులతో కలిసి ఇతర రాష్ట్రాలకు చెందిన అమ్మాయిలను రప్పించి రేవ్ పార్టీ నిర్వహించాడు. వీరు విచ్చలవిడిగా నృత్యాలు చేస్తున్న వీడియో రెండు నెలల అనంతరం తాజాగా వెలుగులోకి వచ్చింది.
సామాజిక మాధ్యమాలలో ఈ వీడియో వైరల్‌ కావడంతో ఫలక్‌నుమా ఏసీపీ మహ్మద్‌ మజీద్, చాంద్రాయణగుట్ట ఇన్‌స్పెక్టర్‌ రుద్ర భాస్కర్, అదనపు ఇన్‌స్పెక్టర్‌ కె.ఎన్‌.ప్రసాద్‌ వర్మలు ఫాంహౌజ్‌ను పరిశీలించారు.
ఈ వీడియోను ఆధారంగా చేసుకొని పర్వేజ్‌తో పాటు వీడియోలో ముఖాలు గుర్తు పడుతున్న వారిపై కేసులు నమోదు చేసి దర్యాప్తు కొనసాగిస్తున్నామని ఇన్‌స్పెక్టర్‌ రుద్ర భాస్కర్ తెలిపారు.
