శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలంగాణ
Written By ivr
Last Modified: మంగళవారం, 31 అక్టోబరు 2017 (13:12 IST)

నేడే 'రేవంత్ రెడ్డి' సినిమా విడుదల... ఢిల్లీలో 'రాహుల్ గాంధీ' రిలీజ్

రేవంత్ రెడ్డి సినిమా విడుదల ఏంటి అనుకుంటున్నారా.. ఇప్పుడు తెలంగాణ రాజకీయాలన్నీ రేవంత్ రెడ్డి చుట్టూనే తిరుగుతున్నాయి. తెలుగుదేశం పార్టీకి, ఎమ్మెల్యే పదవికి రాజీనామా చేసిన రేవంత్ రెడ్డి 31వ తేదీన కాంగ్రెస్ పార్టీలో చేరడం ఖాయమైంది. రేవంత్ రెడ్డి పార్టీ

రేవంత్ రెడ్డి సినిమా విడుదల ఏంటి అనుకుంటున్నారా.. ఇప్పుడు తెలంగాణ రాజకీయాలన్నీ రేవంత్ రెడ్డి చుట్టూనే తిరుగుతున్నాయి. తెలుగుదేశం పార్టీకి, ఎమ్మెల్యే పదవికి రాజీనామా చేసిన రేవంత్ రెడ్డి 31వ తేదీన కాంగ్రెస్ పార్టీలో చేరడం ఖాయమైంది. రేవంత్ రెడ్డి పార్టీ చేరికపై ఆ పార్టీ సీనియర్ నేతలు ఈరోజు సాయంత్రం ప్రత్యేకంగా సమావేశం కూడా కానున్నారు.
 
రేవంత్ రెడ్డి కాంగ్రెస్ పార్టీలో చేరడం ద్వారా ఆయన కేసీఆర్ పైన విమర్శనాస్త్రాలను సరైన దిశలో సంధిస్తూ.. రానున్న ఎన్నికల్లో పార్టీని మరింత ముందుకు తీసుకెళ్ళకలిగే ఒకే ఒక వ్యక్తిగా భావిస్తున్నారు. అందుకే కాంగ్రెస్ పార్టీ నేతలు రేవంత్ రెడ్డిపై ఆశలు పెట్టుకున్నారు. ఢిల్లీకి వెళ్ళి ఏకంగా రాహుల్ గాంధీని కలిసిన తరువాత రేవంత్ వ్యవహారం తీవ్ర చర్చనీయాంశంగా మారింది. తాను పార్టీ మారుతున్న విషయం ఎవరికీ తెలియకుండా టి.టిడిపి సమావేశాలకు హాజరవుతూ వచ్చారు రేవంత్. కానీ చివర్లో తెదేపాకు షాకిస్తూ కాంగ్రెస్ పార్టీలో చేరుతున్నట్లు ప్రకటించారు.
 
ఇదిలావుంటే తెలుగుదేశం పార్టీ మాజీ ఎమ్మెల్యే, ప్రస్తుత ములుగు నియోజకవర్గ ఇన్‌చార్జి సీతక్క ఊహించని విధంగా తెలుగుదేశం పార్టీకి షాకిచ్చారు. తెదేపా పదవులు, సభ్యత్వాన్ని వదులుకుంటున్నట్లు అధ్యక్షుడు చంద్రబాబు నాయుడుకు లేఖ రాశారు. మంగళవారంనాడు ఉదయం ఫ్యాక్స్‌లో లేఖను బాబుకు పంపారు. ఆమెతో పాటు మరికొందరు తెదేపా నాయకులు కూడా పార్టీకి రాజీనామాలు చేస్తున్నట్లు తెలిపారు. వీరంతా ఈరోజు రేవంత్ రెడ్డితో పాటు కాంగ్రెస్ పార్టీ తీర్థం పుచ్చుకోనున్నట్లు తెలుస్తోంది.