బిగ్ బాస్-3కి హోస్ట్‌గా మీలో ఎవరు కోటీశ్వరుడు స్టార్
''మీలో ఎవరు కోటీశ్వరుడు'' వ్యాఖ్యాతగా వ్యవహరించిన మెగాస్టార్ చిరంజీవి.. మళ్లీ బుల్లితెరపై కనిపించేందుకు రెడీ అవుతున్నట్లు సమాచారం. స్టార్ మా ఛానల్‌‍లో ప్రసారమైన బిగ్ బాస్ రియాల్టీ షోకు మంచి ఆదరణ లభించింది. ప్రస్తుతం బిగ్ బాస్-3కి చిరంజీవి హోస్ట్‌గా వ్యవహరిస్తారని జోరుగా ప్రచారం సాగుతోంది. ఇప్పటికే బిగ్ బాస్ 3కి వెంకీ వ్యాఖ్యాతగా వ్యవహరిస్తారని టాక్ వచ్చింది. ప్రస్తుతం చిరంజీవి పేరు వినిపిస్తోంది.
బిగ్ బాస్-2కి హోస్ట్‌గా వ్యవహరించే సమయంలో నాని కొన్ని విమర్శలు ఎదుర్కొన్న నేపథ్యంలో నాని బిగ్ బాస్-3కి దూరమయ్యాడు. తర్వాత మా నిర్వాహకులు వెంకీని సంప్రదించారు. ఆయన కూడా బిగ్ బాస్-3కి హోస్ట్‌గా వుండబోనని చెప్పేశాడని సమాచారం. తాజాగా చిరంజీవిని మా టీవీ నిర్వాహకులు సంప్రదించారని సమాచారం. ఇంకా ఆయన్ని ఒప్పించేందుకు సన్నాహాలు చేస్తున్నారు. మరి చిరంజీవి ఒప్పుకుంటారో లేదో వేచి చూడాలి
