హీరోగా వి.వి.వినాయ‌క్.. ఇది నిజంగా నిజం..!

vv vinayak
శ్రీ| Last Modified మంగళవారం, 14 మే 2019 (21:58 IST)
డైన‌మిక్ డైరెక్ట‌ర్ వి.వి.వినాయ‌క్... మెగాస్టార్ మేన‌ల్లుడు సాయిధ‌ర‌మ్ తేజ‌తో ఇంటిలిజెంట్ అనే సినిమా తీసాడు. ఈ సినిమా వ‌చ్చి చాలా రోజులు అవుతున్నా... ఇప్ప‌టివ‌ర‌కు నెక్ట్స్ సినిమా ఏంటి అనేది ప్ర‌క‌టించ‌లేదు. బాల‌య్య‌తో సినిమా చేసేందుకు గ‌త కొంత కాలంగా ప్ర‌య‌త్నం చేస్తూనే ఉన్నారు కానీ ఇప్ప‌టివ‌ర‌కు సెట్ కాలేదు.

ఇదిలాఉంటే... అంద‌రికీ షాక్ ఇస్తూ వినాయ‌క్ హీరోగా సినిమా చేయ‌బోతున్నాడు. వినాయ‌క్ ఏంటి హీరోగా సినిమా చేయ‌డం ఏంటి అనుకుంటున్న‌రా..? ఆయన ఏజ్‌కి, ఫిజిక్‌కి తగిన ఓ పాత్రతో మాంచి స్క్రిప్ట్ ఒకటి ఆయ‌న ద‌గ్గ‌ర‌కు రావడంతో ఆయన ఓకె చెప్పార‌ట‌. వినాయ‌క్ ద‌గ్గ‌ర‌కి ఆ స్ర్కిప్ట్‌ని పంపించింది ఎవ‌రో కాదు దిల్ రాజు.

డైరక్టర్ శంకర్ అసిస్టెంట్ నరసింహారావు చెప్పిన క‌థ దిల్ రాజుకు బాగా నచ్చింది. దీంతో వివి వినాయక్‌ను నెరేషన్ ఇప్పించడం, ఆయన వెంటనే ఒకే అనడం జరిగిందని స‌మాచారం. ఠాగూర్ సినిమాలో గెస్ట్ రోల్ చేసారు వినాయ‌క్. ఇప్పుడు హీరోగా చేయ‌బోతున్నారు. డైరెక్ట‌ర్‌గా మెప్పించిన ఈ డైన‌మిక్ డైరెక్ట‌ర్ హీరోగా ఎంతవ‌ర‌కు ఆక‌ట్టుకుంటారో?



దీనిపై మరింత చదవండి :