200 బౌన్సర్ల మధ్య నయనతార సాంగ్ అదిరింది..
దక్షిణాది అగ్ర హీరోయిన్ నయనతార తాజాగా మోహన్ రాజా దర్శకత్వంలో ఓ సినిమాలో నటిస్తోంది. ఇందులో యంగ్ హీరో శివకార్తీకేయన్ హీరోగా నటిస్తున్నాడు. 'వేలైక్కారన్' పేరుతో రూపొందుతోన్న ఈ సినిమాలో ఓ మురికివాడకి చెం
దక్షిణాది అగ్ర హీరోయిన్ నయనతార తాజాగా మోహన్ రాజా దర్శకత్వంలో ఓ సినిమాలో నటిస్తోంది. ఇందులో యంగ్ హీరో శివకార్తీకేయన్ హీరోగా నటిస్తున్నాడు. 'వేలైక్కారన్' పేరుతో రూపొందుతోన్న ఈ సినిమాలో ఓ మురికివాడకి చెందిన యువకుడిగా శివకార్తికేయన్ కనిపించనున్నాడు. ఇటీవలే ఈ సినిమాకు సంబంధించిన ఓ పాటను రాజస్థాన్- కిషన్ ఘడ్ ప్రాంతంలోని మార్బల్‌లో చిత్రీకరించారు.
మంచు కురుస్తున్న వాతావారణాన్ని క్రియేట్ చేసి.. అక్కడ వేసిన ప్రత్యేకమైన సెట్లో ఈ చిత్రాన్ని తెరకెక్కిస్తున్నట్లు సమాచారం. ముందుగా ఈ పాటను కాశ్మీర్‌లో ప్లాన్ చేసినా.. అక్కడి వాతావరణం అనుకూలించకపోవడంతో.. సెట్లో షూట్ చేయడం జరిగిందని సినీ యూనిట్ వెల్లడించింది. ఇక స్థానికులచే షూటింగ్‌కు ఎలాంటి అంతరాయం కలగకుండా వుండేందుకు 200 మంది బౌన్సర్ల మధ్య ఈ పాటను చిత్రీకరించినట్లు వార్తలు వస్తున్నాయి.
