శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By pnr
Last Updated : శుక్రవారం, 25 ఆగస్టు 2017 (13:26 IST)

బిగ్‌బాస్ హౌస్‌లోకి 'అర్జున్ రెడ్డి'?.. ఇక లిప్ లాక్‌ కిస్సులే కిస్సులు

టాలీవుడ్ హీరో జూ.ఎన్టీఆర్ హోస్ట్‌గా స్టార్ మా టీవీలో ప్ర‌సార‌మ‌వుతున్న బిగ్‌బాస్ షోకు అనూహ్య స్పందన వచ్చింది. ఫలితంగా గత ఐదు వారాలుగా రేటింగ్స్‌లో ఈ షో అగ్రస్థానంలో కొనసాగుతోంది.

టాలీవుడ్ హీరో జూ.ఎన్టీఆర్ హోస్ట్‌గా స్టార్ మా టీవీలో ప్ర‌సార‌మ‌వుతున్న బిగ్‌బాస్ షోకు అనూహ్య స్పందన వచ్చింది. ఫలితంగా గత ఐదు వారాలుగా రేటింగ్స్‌లో ఈ షో అగ్రస్థానంలో కొనసాగుతోంది. పైగా, సినిమా రిలీజ్ స‌మ‌యంలో త‌మ చిత్రాల‌ను ప‌బ్లిసిటీ చేసుకోవ‌డం కోసం ఈ షోలో పాల్గొన‌డానికి కొత్త సినిమాల యూనిట్లు ఉత్సాహం చూపిస్తున్నాయి. 
 
ఇప్ప‌టికే ‘నేనే రాజు నేనే మంత్రి’ సినిమా ప్ర‌మోష‌న్‌లో భాగంగా రానా కూడా బిగ్‌బాస్ హౌస్‌లోకి అడుగుపెట్టిన విష‌యం తెలిసిందే. ఇప్పుడు ‘అర్జున్ రెడ్డి’ సినిమా ప్ర‌చారం కోసం ఆ చిత్ర బృందం ఈ షోలో పాల్గొనాల‌ని ప్ర‌య‌త్నాలు మొద‌లుపెట్టింది. ఇందు కోసం వారు ‘బిగ్‌బాస్’ నిర్వాహ‌కుల‌ను సంప్ర‌దించి, అదే ప‌నిలో బిజీబిజీగా ఉన్న‌ట్లు స‌మాచారం.
 
మరోవైపు.. 'అర్జున్ రెడ్డి' సినిమా పోస్టర్‌పై కాంగ్రెస్ పార్టీ సీనియర్ నేత వి.హనుమంతరావు అభ్యంతరం వ్యక్తం చేయడం, ఆయన వ్యాఖ్యలను హీరో విజయ్ దేవరకొండ ఖండించడం, ఆ ఖండనకు ప్రముఖ దర్శకుడు రామ్ గోపాల్ వర్మ మద్దతు తెలపడం తెలిసిందే.
 
ఈ నేపథ్యంలో తనను పలకరించిన ఓ న్యూస్ ఛానెల్‌తో విజయ్ దేవరకొండ మాట్లాడుతూ, ‘లిప్ లాక్‌పై ప్రతి ఒక్కరికీ ఒక అభిప్రాయం ఉంటుంది.. వారి అభిప్రాయాలను నేను గౌరవిస్తాను. నా మటుకు నాకు దీనిని సమర్థిస్తాను. అందుకే, లిప్ లాక్ సీన్లను ఈ చిత్రంలో ఉంచాం. ఈ సీన్లపై కొందరు అభ్యంతరం వ్యక్తం చేస్తున్నారు. 
 
ఈ సినిమా చూస్తే ఆ సీన్స్ అవశ్యకత ఏంటో తెలుస్తుంది... ఈ సినిమా ద్వారా మద్యం తాగమని, డ్రగ్స్ తీసుకోమని మేము చెప్పటంలేదు. ఆ పాత్రధారి ఆ అలవాట్లకు ఎందుకు బానిసయ్యాడనే విషయాన్ని మాత్రమే ఈ సినిమాలో చూపించాం. పోస్టర్ల ద్వారా ఆ పాత్రదారి క్యారెక్టర్‌ను మేము తెలియజేశాం’ అని చెప్పుకొచ్చాడు.