Widgets Magazine

గ‌జ‌దొంగ‌గా వ‌స్తోన్న‌ స‌ప్త‌గిరి..!

అసిస్టెంట్ డైరెక్ట‌ర్‌గా కెరీర్ ప్రారంభించి... ఆ త‌ర్వాత క‌మెడియ‌న్‌గా ఎన్నో స‌క్స‌స్‌ఫుల్ చిత్రాల్లో న‌టించి మెప్పించిన యువ హాస్య‌న‌టుడు స‌ప్త‌గిరి. ఇటీవ‌ల ఈ యువ హాస్య‌న‌టుడు స‌ప్త‌గిరి హీరోగా మారి స‌ప్త‌గిరి ఎక్స్‌ప్రెస్‌, స‌ప్త‌గిరి ఎల్‌.ఎల్‌.బి చ

Saptagiri LLB
srinivas| Last Modified మంగళవారం, 10 జులై 2018 (11:43 IST)
అసిస్టెంట్ డైరెక్ట‌ర్‌గా కెరీర్ ప్రారంభించి... ఆ త‌ర్వాత క‌మెడియ‌న్‌గా ఎన్నో స‌క్స‌స్‌ఫుల్ చిత్రాల్లో న‌టించి మెప్పించిన యువ హాస్య‌న‌టుడు స‌ప్త‌గిరి. ఇటీవ‌ల ఈ యువ హాస్య‌న‌టుడు స‌ప్త‌గిరి హీరోగా మారి స‌ప్త‌గిరి ఎక్స్‌ప్రెస్‌, స‌ప్త‌గిరి ఎల్‌.ఎల్‌.బి చిత్రాల్లో న‌టించాడు. హీరోగా త‌న‌కంటూ ఓ ప్ర‌త్యేక‌మైన శైలిని ఏర్పరుచుకున్న ఈ టాప్ క‌మెడియ‌న్ తాజాగా గ‌జ‌దొంగ‌ పేరుతో ఓ యాక్ష‌న్ ఎంట‌ర్‌టైన‌ర్ చేయ‌నున్నారు. నంద నంద‌నా ప్రాజెక్ట్స్ ప‌తాకంపై శ‌ర్మ చుక్కా, యెడల నరేంద్ర, G .V .N .రెడ్డి  చిత్రాన్ని నిర్మించ‌నున్నారు. 
 
గీతా ఆర్ట్స్, సూప‌ర్ గుడ్ ఫిలిమ్స్ సంస్థ‌ల్లో ద‌ర్శ‌క‌త్వ శాఖ‌లో ప‌నిచేసిన డి.రామ‌కృష్ణ ఈ చిత్రానికి దర్శకత్వం వహిస్తున్నారు. నిర్మాతలు శ‌ర్మ చుక్కా, యెడల నరేంద్ర, G .V .N .రెడ్డి మాట్లాడుతూ... స‌ప్త‌గిరికి యాప్ట్ స‌బ్జెక్ట్ ఇది. స‌ప్త‌గిరి నుంచి ప్రేక్ష‌కులు ఆశించే అంశాల‌న్నీ ఇందులో పుష్క‌లంగా ఉంటాయి. మ‌హాన‌టుడు ఎన్టీఆర్ న‌టించిన గ‌జ‌దొంగ‌కూ, దీనికీ సంబంధం లేదు. ఇందులో స‌ప్త‌గిరిది దొంగ‌ల‌కు దొంగ‌లాంటి పాత్ర‌. అస‌లు సిస‌లు దొంగ‌ల్ని దోచుకుని స‌మాజానికి ఉప‌యోగ‌ప‌డే దొంగ‌గా క‌నిపించ‌నున్నాడు.
 
విలేజ్‌, టౌన్ బ్యాక్‌డ్రాప్‌లో న‌డిచే యాక్ష‌న్ ఎంట‌ర్‌టైన‌ర్ ఇది. ఆగ‌స్టు తొలి వారంలో చిత్రీక‌ర‌ణ మొద‌లుపెడ‌తాం అని తెలిపారు. ఈ చిత్రానికి ఛాయాగ్ర‌హ‌ణం: ప‌్ర‌వీణ్‌ వనమాలి, సంగీతం:బుల్గానిన్, ఆర్ట్ : వ‌ర్మ‌,మూల కథ-రచనా సహకారం: G.T.R. మహేంద్ర, P.V.సతీష్, లైన్ ప్రొడ్యూసర్:R.V.V.V.ప్రసాద్, నిర్మాత‌లు:  శ‌ర్మ చుక్కా, యెడల నరేంద్ర ,G .V .N .రెడ్డి, కథ-స్క్రీన్‌ప్లే-ద‌ర్శ‌క‌త్వం: డి.రామ‌కృష్ణ‌.


దీనిపై మరింత చదవండి :