గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By
Last Updated : సోమవారం, 25 మార్చి 2019 (15:35 IST)

నయనతార సీతనా? ఆమెను చూస్తే దెయ్యాలు కూడా పారిపోతాయ్

హీరోయిన్ నయనతారపై తమిళ సీనియర్ నటుడు, డీఎంకే నేత రాధారవి వివాదాస్పద వ్యాఖ్యలు చేశారు. నయనతార సీతగానూ, దెయ్యంగా నటిస్తూ మెప్పిస్తోందన్నారు. పైగా ఆమెను చూస్తే దెయ్యాలు సైతం పారిపోతాయని చెప్పారు. 
 
నయనతార అటు టాలీవుడ్, ఇటు కోలీవుడ్ చిత్ర పరిశ్రమల్లో రాణిస్తూ లేడీ ఓరియంటెడ్ చిత్రాల్లో నటిస్తోంది. ఆమె తాజాగా "కొలైముదిర్" అనే చిత్రంలో నటిస్తోంది. ఈ సినిమా ట్రైలర్ ప్రారంభోత్సవానికి ముఖ్య అతిథిగా రాధారవి హాజరయ్యారు. 
 
ఈ సందర్భంగా ఆయన మాట్లాడుతూ, నయనతార గొప్పనటే కానీ ఆమెను ఎంజీఆర్, శివాజీ గణేశన్‌లతో పోల్చడం సరికాదని చెప్పారు. నయనతార సీతగా చేసి మెప్పించింది. అటు దెయ్యంగా చేస్తూ మెప్పిస్తోంది. నయనతారను చూస్తే దెయ్యాలు కూడా పారిపోయని అన్నాడు.
 
ఈ వ్యాఖ్యలు కోలీవుడ్ ఇండస్ట్రీలో దుమారం రేపాయి. మహిళపై రాధారవి ఇలాంటి వ్యాఖ్యలు చేయడంపై తమిళ సినీ నటులు మండిపడుతున్నారు. వెంటనే ఆయనను విధుల నుంచి తొలగించాలని, నయనతారకు క్షమాపణలు చెప్పించాలని వారు డిమాండ్ చేస్తున్నారు. రాధారవి వ్యాఖ్యలపై డీఎంకే అధ్యక్షుడు ఎంకే స్టాలిన్ మండిపడ్డారు. ఆయన్ను పార్టీ ప్రాథమిక సభ్యత్వం నుంచి తొలగించారు.