సుడిగాలి సుధీర్‌పై నాగబాబు ఫైర్... ఎందుకో తెలుసా?
బుల్లితెర హిట్ షో జబర్దస్త్ కామెడీ షోలో సుధీర్ టీమ్‌కు వున్న క్రేజ్ అంతా ఇంతా కాదు. ఎందుకంటే ఎప్పుడూ కామెడీ టైమింగ్‌తో మంచి వినోదాన్ని ప్రేక్షకులకు పంచుతూ వస్తున్నారు.
కొంతమంది అయితే సుడిగాలి సుదీర్ టీమ్ పర్ఫార్మెన్స్ కోసం జబర్దస్త్ చూస్తారు అని చెప్పడంలో ఎటువంటి సందేహం లేదు. ఎందుకంటే వీరు వచ్చిన ప్రతి వారం కొత్త కాన్సెప్ట్‌తో ప్రేక్షకులను అలరిస్తూ ఉంటారు. ఇకపోతే ఒకప్పుడు జబర్దస్త్ టీంలో కొనసాగిన సుధీర్ టీమ్ ప్రస్తుతం ఎక్స్ ట్రా జబర్దస్త్ షో లో కొనసాగుతున్నారు.
ఇక పోతే ఈ వారం ఎక్స్ ట్రా జబర్దస్త్‌కు సంబంధించిన ప్రోమోలో సుడిగాలి సుధీర్ టీమ్‌కు షాక్ తప్పలేదు. ఎన్నో రోజుల నుంచి జబర్దస్త్ లో మేము నవ్విస్తున్నాం.. ఇన్ని రోజుల వరకు మీరు ఇచ్చిన సపోర్ట్‌కి రుణపడి ఉన్నాం. ఇప్పుడు జబర్దస్త్‌ని వదిలి వెళ్ళబోతున్నాం.. ఇక మిమ్మల్ని నవ్వించలేం.. మమ్మల్ని క్షమించండి.. అంటూ సుధీర్ టీం చెప్తూ కన్నీళ్లు పెట్టుకున్నారు.
ఇక ఈ ప్రోమో చూసిన వారంతా..సుడిగాలి సుధీర్ టీం నిజంగానే జబర్దస్త్ నుండి వెళ్ళిపోతున్నారా అని అందరూ షాక్‌లో మునిగిపోయారు. దీనిపై మెగా బ్రదర్ నాగబాబు అలాగే జబర్దస్త్‌కి ఒకప్పుడు జడ్జిగా వ్యవహరించిన ఈయన.. సుధీర్ టీం చేసిన పనికి కోప్పడుతూ.. కనిపిస్తే చంపేస్తాను అంటూ హెచ్చరిస్తున్నారట.
అంతే కాదు జనాలు ఏమన్నా పిచ్చోళ్ళని అనుకుంటున్నారా..? మీరు ఏది చేస్తే అది చూస్తూ ఉండి పోవడానికి.. తప్పకుండా ఇబ్బందులు ఎదుర్కొంటారు.. అంటూ హెచ్చరించినట్లు సమాచారం.
