అందంలో ఎవరు టాప్..? కేరళ అమ్మాయిలా.. తమిళ అమ్మాయిలా?
కేరళ అమ్మాయిలు బాగుంటారా? తమిళ అమ్మాయిలు బాగుంటారా? అనే అంశంపై తమిళ విజయ్ టీవీలో చర్చా కార్యక్రమం జరుగనుంది. ఈ షోకు సంబంధించిన ప్రోమోన్ ఆ టీవీ ఛానల్ విడుదల చేసింది. తమిళ అమ్మాయిలు, కేరళ అమ్మాయిలకు గ
కేరళ అమ్మాయిలు బాగుంటారా? తమిళ అమ్మాయిలు బాగుంటారా? అనే అంశంపై తమిళ విజయ్ టీవీలో చర్చా కార్యక్రమం జరుగనుంది. ఈ షోకు సంబంధించిన ప్రోమోన్ ఆ టీవీ ఛానల్ విడుదల చేసింది. తమిళ అమ్మాయిలు, కేరళ అమ్మాయిలకు గల తేడాతో వాడీవేడీగా ఈ షోలో చర్చ సాగనుంది.
తమిళ, కేరళ అమ్మాయిల చీరకట్టు, పద్ధతులు, మాట్లాడే ధోరణిపై ఇరువర్గాలు చర్చించుకునేలా ప్రోమో విడుదలైంది. ఆదివారం మ‌ధ్యాహ్నం 3 గం.ల‌కు ప్ర‌సారం కానున్న ఈ కార్య‌క్ర‌మానికి సంబంధించి స్టార్ విజయ్ ఛానల్ సోషల్ మీడియాలో పోలింగ్ కూడా ఆవిష్క‌రించింది.
ఇప్ప‌టికే ఈ పోల్‌కి 1000 మందికి పైగా ఓటింగ్ వేశారు. జిమ్మిక్కీ కమ్మల్ పాటకు డ్యాన్స్ చేసి ఇంటర్నెట్‌లో సెన్సేషన్ సృష్టించిన మ‌ల‌యాళ కుట్టి షెరిల్‌కి త‌మిళ‌నాడు యువ‌త అభిమానులుగా మారారు. దీంతో అక్క‌డి యువ‌త తమిళ అమ్మాయిల కంటే కేరళ అమ్మాయిలే బాగుంటార‌ని సోషల్ మీడియాలో పోస్టులు చేశారు.
దీంతో తమిళ అమ్మాయిలు అందంగా వుంటారా? కేరళ అమ్మాయిలు అందంగా వుంటారా? అనేది తేల్చేందుకు నిర్వాహకులు రంగం సిద్ధం చేసుకుంటున్నారు. కానీ ఇలాంటి అంశంపై చర్చ అవసరమా అంటూ నిపుణులు అసహనం వ్యక్తం చేస్తున్నారు. స‌మాజంలో ఉన్న భేదాలు స‌రిపోక, ఇలా కొత్త భేదం సృష్టించ‌డం అవసరమా అంటూ ప్రశ్నిస్తున్నారు.
