ఎన్టీఆర్ అరవింద సమేత.. లుక్ అదుర్స్.. సోషల్ మీడియాలో వైరల్
ఎన్టీఆర్ హీరోగా, త్రివిక్ర‌మ్ ద‌ర్శ‌క‌త్వంలో ఓ సినిమా తెర‌కెక్క‌నుంది. ఈ చిత్రంలోని చాలా సన్నివేశాలు రాయలసీమ నేపథ్యంలో చిత్రించ‌నున్నార‌ని టాక్ వస్తోంది. ఈ చిత్రానికి తమన్‌ సంగీతాన్ని అందించగా, హారిక
ఎన్టీఆర్ హీరోగా, త్రివిక్ర‌మ్ ద‌ర్శ‌క‌త్వంలో ఓ సినిమా తెర‌కెక్క‌నుంది. ఈ చిత్రంలోని చాలా సన్నివేశాలు రాయలసీమ నేపథ్యంలో చిత్రించ‌నున్నార‌ని టాక్ వస్తోంది. ఈ చిత్రానికి తమన్‌ సంగీతాన్ని అందించగా, హారిక అండ్‌ హాసిని క్రియేషన్స్‌ ఈ చిత్రాన్ని నిర్మిస్తోంది. ఈ సినిమాను దసరా కానుకగా విడుదల చేయనున్నారు.
తాజాగా ఈ చిత్రం కోసం రామోజీ ఫిల్మ్‌సిటీలో సీమ వాతావరణాన్ని ప్రతిబింబించేలా సెట్‌ వేశారట. ఇక ఈ చిత్రంలో ఎన్టీఆర్ సరసన పూజా హెగ్డే నటిస్తోంది. సెట్స్‌పై ఉన్న ఈ చిత్రానికి సంబంధించిన అరవింద సమేత అనే టైటిల్‌తో కూడిన ఫస్ట్ లుక్ ప్రస్తుతం సోషల్ మీడియాలో వైరల్ అవుతోంది.
ఎన్టీఆర్ పుట్టినరోజు కానుకగా రిలీజ్‌ చేసిన సినిమా టైటిల్, ఎన్టీఆర్ ఫస్ట్‌‌లుక్‌ అదిరిపోయింది. సిక్స్‌ ప్యాక్‌తో ఎన్టీఆర్, కత్తి పట్టుకుని ఉన్న ఈ పోస్టర్‌తో సినిమాపై అంచనాలు అమాంతంగా పెరిగాయి. అరవింద సమేత టైటిల్ కాగా, వీర రాఘవ అనేది ఉపశీర్షిక. టైటిల్ కూడా విభిన్నంగా ఉందంటూ సోషల్‌మీడియా పాజిటివ్ కామెంట్స్ వస్తున్నాయి. ఈ లుక్‌కు లైక్స్ వెల్లువెత్తుతున్నాయి.
ఈ లుక్‌పై వివాదాస్పద దర్శకుడు వర్మ స్పందిస్తూ.. వావ్‌... తారక్‌ సెక్సీలుక్‌లో ఎన్నడూ లేనంత సెక్సీగా ఉన్నారు. ఎన్టీఆర్ సెక్సీ కంటే ఎక్కువ సెక్సీగా ఉన్నారంటూ ట్వీట్ చేశాడు.
