మిహీకా బజాజ్‌తో రానా సీక్రెట్ డేటింగ్???
తెలుగు హీరో కమ్ విలన్ రానా దగ్గుబాటిపై వచ్చినన్ని పుకార్లు, గాసిప్స్ మరో ఇతర హీరోలపై రాలేదని ఘంటాపథంగా చెప్పొచ్చు. అయినప్పటికీ.. ఆయన ఏనాడూ వాటిపై స్పందించిన దాఖలాలు లేవు. ఈ పరిస్థితుల్లో తాను ప్రేమించిన అమ్మాయి ఎస్ చెప్పిందంటూ సడెన్‌గా రెండు రోజుల క్రితం ట్వీట్ చేశారు. ఈ ట్వీట్ ప్రతి ఒక్కరనీ ఆశ్చర్యానికిలోను చేసింది. ఆ తర్వాత తేరుకున్న సినీ సెలెబ్రిటీలు ఒక్కటి కాబోతున్న రానా దంపతులకు శుభాకాంక్షలు తెలిపారు.
అయితే, రానా చేసుకోబోయే అమ్మాయి మిహీకా బజాజ్ గురించి ఓ వార్త ఇపుడు సోషల్ మీడియాలో చక్కర్లు కొడుతోంది. అదేంటంటే... మిహీకాతో రానా రెండు సంవత్సరాలుగా డేటింగ్ చేస్తున్నట్టు ఓ గాసిప్ బయటకు వచ్చింది.
ఈ విషయాన్ని చాలా సీక్రెట్‌గా రానా మెయింటైన్ చేసినట్టు సమాచారం. తాను మిహీకాతో డేటింగ్ చేస్తున్నట్టుగా చివరకు సినీ ప్రముఖులకు కూడా తెలియకుండా జాగ్రత్త పడ్డాడట.
అయితే, బాలీవుడ్ స్టార్ హీరో అనిల్ కపూర్ కుమార్తె సోనమ్ కపూర్‌కు మాత్రం ఈ విషయం తెలుసన్నది తాజా సమాచారం. ఎందుకంటే.. సోనమ్ - మిహీకా బజాజ్ చాలా చాలా సన్నిహితంగా ఉంటారు. అందువల్ల సోనమ్‌కు మాత్రం ఈ విషయం తెలుసని భావిస్తున్నారట.
