సైమా వేడుకలు.. బాహుబలికి అత్యధిక అవార్డులు..

ఇంట‌ర్నేష‌న‌ల్ ఫిలిం ఫెస్టివ‌ల్ సైమా (సౌత్ ఇండియన్ ఇంటర్నేషనల్ మూవీ అవార్డ్స్) వేడుక అట్టహాసంగా జరుగుతున్న సంగతి తెలిసిందే. దక్షిణాది సినీ తారలంతా ఈ పండుగకు హాజరు కానున్నారు. నటీమ‌ణుల గ్లామ‌ర్‌తో, రాక

ఇంట‌ర్నేష‌న‌ల్ ఫిలిం ఫెస్టివ‌ల్ సైమా (సౌత్ ఇండియన్ ఇంటర్నేషనల్ మూవీ అవార్డ్స్) వేడుక అట్టహాసంగా జరుగుతున్న సంగతి తెలిసిందే. దక్షిణాది సినీ తారలంతా ఈ పండుగకు హాజరు కానున్నారు. నటీమ‌ణుల గ్లామ‌ర్‌తో, రాక్ ప‌ర్ఫార్మెన్స్‌తో, సెల‌బ్రిటీల ఆట పాట‌ల‌తో సైమా వేడుక ఘ‌నంగా జ‌ర‌గ‌నుంది. ఇప్ప‌టి వ‌ర‌కు ఆరు ఎడిష‌న్స్ పూర్తి చేసుకున్న సైమా ఈ ఏడాది దుబాయ్‌లో ఏడో ఎడిష‌న్ జ‌రుపుకుంటుంది.

సెప్టెంబ‌ర్ 14, 15వ తేదీల‌లో సైమా వేడుకని ఘ‌నంగా నిర్వ‌హిస్తున్నారు. తొలి రోజు టాలీవుడ్‌, కోలీవుడ్ ప‌రిశ్ర‌మ‌ల‌కి సంబంధించిన విజేత‌ల‌ని ప్ర‌క‌టించారు. 2017 సంవ‌త్స‌రంలో విడుద‌లైన చిత్రాల‌కి సంబంధించి ఈ అవార్డుల‌ని అందించారు.

ఇక ప్రపంచ సినీ ప్రజలను టాలీవుడ్ తిరిగి చూసేలా చేసిన ''బాహుబలి: ది కన్‌క్లూజన్‌" సినిమాకు ఏకంగా 12 విభాగాల్లో నామినేషన్లు దక్కాయి. తద్వారా బాహుబలికే అత్యధిక అవార్డులు దక్కాయి. ఇక లైఫ్ అచీవ్‌మెంట్ అవార్డ్‌ను ప్రముఖ గాయని పి.సుశీల‌కు నందమూరి హీరో బాల‌య్య అందించారు.

అవార్డుల సంగతికి వస్తే..

టాలీవుడ్..

ఉత్త‌మ చిత్రం - బాహుబ‌లి 2

ఉత్త‌మ ద‌ర్శ‌కుడు - రాజ‌మౌళి (బాహుబ‌లి 2)

ఉత్త‌మ హీరో - ప్ర‌భాస్ (బాహుబ‌లి 2)

ఉత్త‌మ హీరోయిన్‌- కాజ‌ల్ (నేనే రాజు నేనే మంత్రి)

ఉత్త‌మ స‌హాయ న‌టుడు - ఆది (నిన్ను కోరి)

ఉత్త‌మ స‌హాయ న‌టి - భూమిక (ఎంసీఏ)

ఉత్త‌మ సంగీత ద‌ర్శ‌కుడు - ఎంఎం కీర‌వాణి (బాహుబ‌లి 2)

ఉత్త‌మ గాయ‌ని - మ‌ధుప్రియ (ఫిదా)

ఉత్త‌మ గాయ‌కుడు - కాల భైర‌వ (బాహుబ‌లి 2)

ఉత్త‌మ విల‌న్ - రానా (బాహుబ‌లి-2)