అరెరె... Tamanah Bhatia తమన్నా తల్లిదండ్రులకు కరోనావైరస్ పాజిటివ్ (Video)
టాలీవుడ్ స్టార్ హీరోయిన్ తమన్నా భాటియా తల్లిదండ్రులకు కరోనావైరస్ పాజిటివ్ సోకింది. ఈ విషయాన్ని తమన్నా స్వయంగా తన ట్విట్టర్ పేజీలో పోస్టు చేసింది.
తన తల్లిదండ్రులకు గత కొద్దిరోజులుగా కరోనా లక్షణాలు కనిపించడంతో అనుమానం వచ్చి అందరం కరోనా టెస్టులు చేయించుకున్నామనీ, ఈ పరీక్షల్లో దురదృష్టవశాత్తూ తన పేరెంట్స్‌కి కరోనా సోకినట్లు తేలిందన్నారు.
వైద్యుల సూచనల మేరకు జాగ్రత్తలు తీసుకుంటున్నామని చెప్పిన తమన్నా తనకు కరోనా నెగటివ్ వచ్చినట్లు వెల్లడించారు. తన తల్లిదండ్రులు కరోనా నుంచి కోలుకోవాలని భగవంతుడిని ప్రార్థిస్తున్నట్లు చెప్పారు తమన్నా భాటియా.
