గురువారం, 28 మార్చి 2024
  1. వార్తలు
  2. తెలుగు వార్తలు
  3. ట్రెండింగ్
Written By pnr
Last Updated : శనివారం, 8 సెప్టెంబరు 2018 (10:42 IST)

అక్రమ సంబంధానికి గోత్రాలతో సంబంధం ఏముంటుంది : నారా లోకేశ్

తెలంగాణ రాష్ట్రంలో తెరాస - బీజేపీల పొత్తుపై ఏపీ మంత్రి, టీడీపీ జాతీయ ప్రధాన కార్యదర్శి నారా లోకేశ్ మండిపడ్డారు. ఇది అక్రమ సంబంధంలాంటిందన్నారు. ఇలాంటి అక్రమ సంబంధానికి గోత్రాలతో సంబంధం ఏముంటుందని ఆయన ప

తెలంగాణ రాష్ట్రంలో తెరాస - బీజేపీల పొత్తుపై ఏపీ మంత్రి, టీడీపీ జాతీయ ప్రధాన కార్యదర్శి నారా లోకేశ్ మండిపడ్డారు. ఇది అక్రమ సంబంధంలాంటిందన్నారు. ఇలాంటి అక్రమ సంబంధానికి గోత్రాలతో సంబంధం ఏముంటుందని ఆయన ప్రశ్నించారు.
 
ఇదే అంశంపై ఆయన మాట్లాడుతూ, కేంద్రంలో అధికారంలో ఉన్న ప్రధాని నరేంద్ర మోడీ చేతిలో కేసీఆర్ కీలుబొమ్మగా మారారని ఆరోపించారు. అందుకే బీజేపీ చెప్పినట్టుగా తెరాస అధినేత కేసీఆర్‌ నడుస్తున్నారని విమర్శించారు. 
 
బీజేపీతో కలవనని కేసీఆర్‌ చెప్తున్నారని.. కానీ అంతా కేంద్రం చెప్పిన ప్రకారమే నడుస్తున్నారని ఆరోపించారు. ఎన్నికల ముందే పొత్తు పెట్టుకున్న టీడీపీ కంటే కేసీఆర్‌కు కేంద్రం బాగా సహకరించిందన్నారు. అక్రమ సంబంధానికి గోత్రాలతో సంబంధం ఏముంటుందని వ్యాఖ్యానించారు. 
 
అలాగే, ఏపీలో అవినీతిపరుడు జగన్‌కు కేంద్రం సహకరిస్తోందని లోకేశ్‌ దుయ్యబట్టారు. అవినీతిపరుల ఆస్తులను జప్తు చేసేందుకు ఉద్దేశించిన బిల్లును కేంద్రానికి పంపిస్తే ఇంతవరకు ఆమోదించలేదని అన్నారు.