2024 చివరి నాటికి రిటైర్మెంట్ తీసుకుంటా.. సైనా నెహ్వాల్ వెల్లడి
భారత షట్లర్ సైనా నెహ్వాల్ రిటైర్మెంట్ గురించి ఆలోచిస్తోందని, 2024 చివరి నాటికి తన బ్యాడ్మింటన్ కెరీర్ భవిష్యత్తుపై నిర్ణయం తీసుకుంటానని చెప్పింది. గగన్ నారంగ్ పోడ్‌కాస్ట్ 'హౌస్ ఆఫ్ గ్లోరీ'లో సైనా మాట్లాడుతూ, తాను కీళ్లనొప్పులతో ఇబ్బంది పడ్డానని చెప్పింది.
"నాకు ఆర్థరైటిస్ ఉంది. నా మృదులాస్థి చెడ్డ స్థితికి పోయింది. ఎనిమిది-తొమ్మిది గంటల పాటు నెట్టడం చాలా కష్టం' అని సైనా పేర్కొంది. రిటైర్మెంట్ వల్ల త‌న‌పై ప్రభావం ప‌డే అవ‌కాశం ఉన్నా.. కానీ దానిపై నిర్ణయం తీసుకోక త‌ప్ప‌ద‌న్నారు.
9 ఏళ్ల వ‌య‌సులో బ్యాడ్మింటన్ ఆడ‌డం ప్రారంభించాన‌ని, వ‌చ్చే ఏడాది 35 నిండ‌నున్న‌ట్లు ఆమె చెప్పింది. చాలా లాంగ్ కెరీర్ ఆట‌లో ఉన్న‌ట్లు ఆమె అంగీక‌రించారు. ఒలింపిక్స్‌లో పోటీప‌డాల‌న్న‌ది తన చిన్న‌నాటి క‌ల అని, కానీ గ‌త రెండు ఈవెంట్ల‌కు దూరం కావ‌డం బాధ‌గా ఉన్న‌ట్లు ఆమె చెప్పారు.
