Widgets Magazine

మరో దాచేపల్లి కారాదు... పాతగుంటూరు రేప్‌పై సీఎం సీరియస్

గుంటూరు జిల్లా దాచేపల్లిలో 8 యేళ్ల బాలికపై ఓ వృద్ధుడు అత్యాచారానికి పాల్పడి ఆ తర్వాత ఆత్మహత్య చేసుకున్నాడు. ఈ ఘటన మరచిపోకముందే.. అదే గుంటూరు జిల్లాలోని పాత గుంటూరులో బాలికపై ఓ యువకుడు లైంగికదాడికి పాల

chandrababu naidu
pnr| Last Updated: బుధవారం, 16 మే 2018 (11:10 IST)
గుంటూరు జిల్లా దాచేపల్లిలో 8 యేళ్ల బాలికపై ఓ వృద్ధుడు అత్యాచారానికి పాల్పడి ఆ తర్వాత ఆత్మహత్య చేసుకున్నాడు. ఈ ఘటన మరచిపోకముందే.. అదే గుంటూరు జిల్లాలోని పాత గుంటూరులో బాలికపై ఓ యువకుడు లైంగికదాడికి పాల్పడ్డాడు. ఆ తర్వాత పోలీసులు సత్వరం స్పందించి నిందితుడిని అరెస్టు చేశారు.
 
అయితే, బాధిత బాలిక కుటుంబ సభ్యులు యువకుడిని తమకు అప్పగించాలంటూ పోలీస్‌స్టేషన్‌ ఎదుట ఆందోళనకు దిగారు. పోలీస్‌ స్టేషన్‌పై రాళ్ల దాడి చేయడంతో అద్దాలు ధ్వంసమయ్యాయి. పలువురు పోలీసులకు గాయాలయ్యాయి. దీంతో అక్కడ ఉద్రిక్తత నెలకొంది. వెంటనే రంగంలోకి దిగిన ఐజీ, అర్బన్ ఎస్పీ ఆందోళనకారులతో చర్చలు జరిపారు. గుంటూరులో 144 సెక్షన్‌ను అమలు చేశారు.
 
ఇదిలావుంటే ఈ ఘటనపై ఏపీ ముఖ్యమంత్రి చంద్రబాబు నాయుడు స్పందించారు. పాతగుంటూరులో బాలికపై యువకుడు అత్యాచారయత్నానికి పాల్పడిన ఘటనపై ఆయన ఆగ్రహం వ్యక్తంచేశారు. ఈ ఘటనపై సీఎస్‌, డీజీపీ, ఇంటెలిజెన్స్‌ అధికారులతో సీఎం టెలికాన్ఫరెన్స్‌ నిర్వహించారు. ఆడపిల్లల జోలికి వచ్చేవారిని ఉపేక్షించవద్దని.. .నిందితులను కఠినంగా శిక్షించాలని స్పష్టమైన ఆదేశాలు జారీచేశారు. 


దీనిపై మరింత చదవండి :