హ్యాపీ రిసార్ట్స్ లో యూత్ తో మెగాస్టార్ మీటింగ్ ....ఎందుకో!
మెగా స్టార్ చిరంజీవికి ఆయన అభిమానులే కొండంత అండ. ఆయన ఏ ప‌ని చేసినా, చేయ‌బోయినా ముందు అభిమానుల‌తో సమావేశం ఏర్పాటు చేస్తారు. వాళ్ళ‌తో చ‌ర్చించిన త‌ర్వాతే కీల‌క నిర్ణ‌యాలు తీసుకుంటారు. ఇపుడు ఆ స‌మ‌యం వ‌చ్చేన‌ట్లుంది. రాష్ట్ర చిరంజీవి యువత నూతన కమిటీతో "మెగాస్టార్ చిరంజీవిష ఇపుడు భేటీ కానున‌న్నారు.
గుంటూరులోని మంగళగిరి హ్యాపీ రిసార్ట్స్ లో ఈ రోజు ఉదయం 11 గంటలకు మెగాస్టార్ చిరంజీవి ఇటీవల నూతనంగా నియమితులైన రాష్ట్ర చిరంజీవి యువత కమిటీతో సమావేశం కానున్నారు. సమావేశంలో రాష్ట్రంలో చిరంజీవి యువత ద్వారా చేపట్టే సేవా కార్యక్రమాలపై చర్చించనున్నారని చెపుతున్నారు.
ఈ కార్యక్రమంలో అఖిలభారత రాష్ట్ర చిరంజీవి యువత అధ్యక్షులు స్వామినాయుడు, రాష్ట్ర చిరంజీవి యువత నూతన అధ్యక్షులు అధ్యక్షులు భవాని రవి కుమార్ తదితర ముఖ్య నేతలు పాల్గొనున్నారు. అయితే, కొత్త కార్య‌వ‌ర్గం అభినందనలు మాత్రమే కాదు... రాష్ట్రంలో రాజ‌కీయ ప‌రిణామాల‌పైనా చ‌ర్చించే అవ‌కాశం ఉంది. భ‌విష్య‌త్తు ఎన్నిక‌ల వేళ తన అభిప్రాయానికి, కార్యాచ‌ర‌ణ‌కు ఫ్యాన్స్ మ‌ద్ద‌తు కోస‌మే చిరు ఈ స‌మావేశాన్ని ఏర్పాటు చేశార‌ని రాజ‌కీయ ప‌రిశీల‌కులు భావిస్తున్నారు.
