శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By tj
Last Updated : సోమవారం, 22 జనవరి 2018 (16:59 IST)

కొండగట్టులో పడిపోయిన పవన్ కళ్యాణ్‌... మోకాళ్ళకు గాయాలు..

మొక్కు తీర్చుకోవడానికి తెలంగాణా రాష్ట్రం జగిత్యాలకు సమీపంలోని కొండగట్టు ఆంజనేయ స్వామివారి ఆలయానికి చేరుకున్న పవన్ కళ్యాణ్‌‌కు అభిమానుల నుంచి ఇబ్బందులు తప్పలేదు. ఒక్కసారిగా పవన్ కళ్యాణ్‌ను కలిసేందుకు వ

మొక్కు తీర్చుకోవడానికి తెలంగాణా రాష్ట్రం జగిత్యాలకు సమీపంలోని కొండగట్టు ఆంజనేయ స్వామివారి ఆలయానికి చేరుకున్న పవన్ కళ్యాణ్‌‌కు అభిమానుల నుంచి ఇబ్బందులు తప్పలేదు. ఒక్కసారిగా పవన్ కళ్యాణ్‌ను కలిసేందుకు వచ్చిన అభిమానులు పవన్‌ను కిందకు తోసేశారు. కారు దిగి కొండగట్టు ఆలయంలోకి వెళుతుండగా అభిమానులు తోసుకుని తమ అభిమాన హీరోపై పడిపోయారు. దీంతో పవన్ కళ్యాణ్‌ కూడా కిందపడిపోయారు.
 
ఈ కారణంగా ఆయన కాలికి గాయమైంది. అయితే పక్కనే ఉన్న సెక్యూరిటీ సిబ్బంది పవన్‌ను పైకి లేపారు. మోకాళ్ళ కింద పవన్‌కు రక్తస్రావమైంది. కానీ పవన్ మాత్రం అవేమీ పట్టించుకోకుండా పైకి లేచి ఆలయంలోకి వెళ్ళి మొక్కు తీర్చుకున్నారు. అభిమానుల అత్యుత్సాహం వల్లే పవన్‌కు గాయమైందని సెక్యూరిటీ సిబ్బంది అంటున్నారు. కాగా, పవన్ రాకను తెలుసుకున్న వేలాదిమంది అభిమానులు, జనసేన పార్టీ కార్యకర్తలు కొండగట్టుకు చేరుకున్నారు.