చిన్నారిపై వాచ్‌మెన్ అసభ్య ప్రవర్తన.. బాలిక అనారోగ్యానికి గురికావడంతో..
మహిళలపై అకృత్యాలు పెచ్చరిల్లిపోతున్నాయి. చిన్నారుల నుంచి ముదుసలి వరకు వావివరుసలు.. వయోభేదం లేకుండా కామాంధులు విరుచుకుపడుతున్నారు. వృద్ధుడైనప్పటికీ మనుమరాలి వయసున్న చిన్నారి పట్ల అసభ్యంగా ప్రవర్తించాడు
మహిళలపై అకృత్యాలు పెచ్చరిల్లిపోతున్నాయి. చిన్నారుల నుంచి ముదుసలి వరకు వావివరుసలు.. వయోభేదం లేకుండా కామాంధులు విరుచుకుపడుతున్నారు. వృద్ధుడైనప్పటికీ మనుమరాలి వయసున్న చిన్నారి పట్ల అసభ్యంగా ప్రవర్తించాడు. వికృత చేష్టలతో చిన్నారి అనారోగ్యం పాలయ్యేందుకు కారకుడయ్యాడు. బీకేగూడ సమీపంలోని ఓ అపార్ట్‌మెంట్‌లో రమణారావు(59) అనే వ్యక్తి వాచ్ మెన్‌గా పనిచేస్తున్నాడు.
సమీపంలో ఆడుకుంటున్న ఓ చిన్నారి(7)కి మాయమాటలు చెప్పి అసభ్యంగా ప్రవర్తించసాగాడు. బాలిక అనారోగ్యానికి గురికావడంతో వృద్ధుడి పైశాచిక చేష్టలు వెలుగులోకి వచ్చాయి. చిన్నారి తల్లిదండ్రుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.
