Widgets Magazine

జియో గిగా ఫైబర్‌కి పోటీగా టాటా స్కై బ్రాడ్‌బ్యాండ్

మంగళవారం, 21 ఆగస్టు 2018 (22:25 IST)

జియో గిగా ఫైబర్ సేవలు త్వరలో అందుబాటులోకి రానున్న నేపథ్యంలో ఇతర బ్రాడ్‌బ్యాండ్ కంపెనీలు పోటీని తట్టుకోవడానికి సిద్ధమవుతున్నాయి. ప్రముఖ డీటీహెచ్ సేవల సంస్థ టాటా స్కై త్వరలో బ్రాడ్‌బ్యాండ్ సేవలను ప్రారంభించనున్నట్లు ప్రకటించింది. జియో బ్రాడ్‌బ్యాండ్ సేవలు అందుబాటులోకి వచ్చేలోగా తన సేవలను 12 నగరాల్లో ప్రారంభించనున్నట్లు వెల్లడించింది. అందులో భాగంగానే టాటా స్కై తన సేవలను ఢిల్లీ, ముంబై, బెంగళూరు, పూణె, భోపాల్, చెన్నై, గుర్గావ్ నగరాలలో అందుబాటులోకి తీసుకురానుంది. ఇందుకు సంబంధించిన వివరాలను తన వెబ్‌సైట్‌లో పొందుపరచింది.
Fibre grid
 
ఈ సేవల్లో భాగంగా ఫిక్సడ్ లైన్ కనెక్షన్‌ల ద్వారా 100 ఎంబీపీఎస్ వేగంతో బ్రాడ్‌బ్యాండ్ సౌకర్యాన్ని అందుబాటులోకి తీసుకురానుంది. ఈ మేరకు అపరిమిత బ్రాడ్‌బ్యాండ్ సేవలను నెల, మూడు నెలలు, ఐదు నెలలు, తొమ్మిది నెలలు మరియు ఏడాది పాటు ప్యాకేజీల రూపంలో అందించనుంది. ఈ డేటా ప్యాకేజీలు 5 ఎంబీపీఎస్ నుంచి 100 ఎంబీపీఎస్ వరకూ అందుబాటులో ఉంటాయి.
 
5 ఎంబీపీఎస్ వేగంతో అపరిమిత బ్రాడ్‌బ్యాండ్ పొందాలంటే నెలకు రూ.999, 10 ఎంబీపీఎస్‌కు రూ.1,150, 30 ఎంబీపీఎస్‌కు రూ.1,500.. 50 ఎంబీపీఎస్‌కు రూ.1,800, 100ఎంబీపీఎస్‌కు రూ.2,500 చొప్పున చెల్లించవలసి ఉంటుంది. వీటితో పాటు ఐదు అదనపు ప్యాకేజీలు కూడా ఉన్నాయి. వినియోగదారుల అవసరాలకు అనుగుణంగా 1 జీబీపీఎస్ వేగంతో బ్రాడ్‌బ్యాండ్ అందించనుంది. జియో గిగా ఫైబర్‌కు సంబంధించిన ప్లాన్‌లు ఏవీ వెల్లడించనప్పటికీ నమోదు ప్రక్రియను మాత్రం ప్రారంభించింది. ఈ నేపథ్యంలో ఇతర బ్రాడ్‌బ్యాండ్ కంపెనీలు సైతం వినియోగదారులను ఆకట్టుకోవడానికి ప్రయత్నాలు మొదలెట్టాయి.


Widgets Magazine
Widgets Magazine

దీనిపై మరింత చదవండి :  

Loading comments ...

బిజినెస్

news

యూకేలోనే నీరవ్ మోదీ... విజయ్ మాల్యా కూడా లండన్‌లోనే

ప్రముఖ వజ్రాల వ్యాపారి నీరవ్ మోదీ యూకేలో వున్నట్లు తెలిసింది. ఈ విషయాన్ని యూకే అధికారులు ...

news

కరిగిపోతున్న రూపాయి విలువ... 70 ఏళ్లలో చేయలేనిది మోడీ చేసి చూపించారు!

అంతర్జాతీయ మార్కెట్‌లో రూపాయి విలువ కరిగిపోతోంది. ముఖ్యంగా, డాల‌ర్‌తో రూపాయి మారకం విలువ ...

news

రూ.981కే విమాన టికెట్... ఇండిగో డిస్కౌంట్ సేల్ ఆఫర్

దేశంలో ఉన్న ప్రైవేట్ విమానయాన సంస్థల్లో ఒకటైన ఇండిగో సంస్థ స్వాతంత్ర్య దినోత్సవ వేడుకలను ...

news

రూ.5 వేల కోట్లు దోచుకున్న బ్యాంకులు... ఎలా?

చేతిలో నిలువదనే ఉద్దేశ్యంతో పైసా పైసా కూడబెట్టి కొంత మొత్తంగా తీసుకెళ్లి బ్యాంకు ఖాతాలో ...

Widgets Magazine