వయసు 63 యేళ్లు.. మూడో పెళ్లి చేసుకుని ఏం చేయను?: పెళ్లి వదంతులపై ఇమ్రాన్ ఖాన్
మూడో పెళ్లి చేసుకోబోతున్నట్టు వచ్చిన వార్తలపై పాకిస్థాన్ మాజీ క్రికెటర్, తెహ్రీక్ ఇ ఇన్సాఫ్ పార్టీ చీఫ్ ఇమ్రాన్ ఖాన్ స్పందించారు. తనకు ఇపుడు 63 యేళ్లు. ఈ వయసులో మూడో పెళ్లి చేసుకుని ఏం చేయను అంటూ మీడి
మూడో పెళ్లి చేసుకోబోతున్నట్టు వచ్చిన వార్తలపై పాకిస్థాన్ మాజీ క్రికెటర్, తెహ్రీక్ ఇ ఇన్సాఫ్ పార్టీ చీఫ్ ఇమ్రాన్ ఖాన్ స్పందించారు. తనకు ఇపుడు 63 యేళ్లు. ఈ వయసులో మూడో పెళ్లి చేసుకుని ఏం చేయను అంటూ మీడియాను ప్రశ్నించాడు.
తాజాగా ఓ పత్రికకు ఇచ్చిన ఇంటర్వ్యూలో ఆయన మాట్లాడుతూ బ్యాచిలర్ లైఫ్ బోరు కొడుతోందని, మూడో పెళ్లి చేసుకోవాలని ఉందని వ్యాఖ్యానించిన సంగతి తెలిసిందే. ఇప్పటికే రెండు పెళ్లిళ్లు చేసుకుని మూడో పెళ్లికి సిద్ధమవుతున్న 63 ఏళ్ల ఖాన్ ఘాటు వ్యాఖ్యలు మీడియాలో పెద్ద ఎత్తున ప్రచురితమయ్యాయి.
ఈ వార్తలపై ఆయన స్పందించారు. మూడో పెళ్లి వార్తలన్నీ పూర్తిగా నిరాధారపూరితమైనవన్నారు. ఒకవేళ తాను కనుక పెళ్లి చేసుకుంటే అందరికీ చెప్పే చేసుకుంటానని, పెద్ద ఎత్తున వేడుక కూడా ఏర్పాటు చేస్తానని చెప్పుకొచ్చారు.
కానీ, పాకిస్థాన్‌కు చెందిన ఓ వార్తా పత్రిక మాత్రం ఇమ్రాన్ మూడో పెళ్లి చేసుకున్నట్టు ఓ వార్తా కథనాన్ని ప్రచురించింది. పైగా.. వధువు కూడా ఇమ్రాన్ ఖాన్‌కు అధ్యాత్మిక గురువుగా వ్యవహరిస్తున్న బుష్రా సోదరే ఆమె అని రాసింది. ఇద్దరు పిల్లలకు తల్లయిన ఆమె భర్త నుంచి విడాకులు తీసుకున్నట్టు పేర్కొంది.
