హాజెల్ కీచ్తో బాలిలో యువీ ఎంగేజ్మెంట్.. ఇక వివాహమే తరువాయి!!
దీపావళి సందర్భంగా భారత క్రికెటర్ యువరాజ్ సింగ్ తన ఫ్యాన్స్కు షాకిచ్చాడు. తన ప్రియురాలు హాజెల్ కీచ్తో కలిసి బాలికి వెళ్లిన యువీ.. అక్కడే రింగులు మార్చుకుని సైలెంట్గా ఎంగేజ్మెంట్ చేసేసుకున్నాడు. దీపావళి పర్వదినాన్ని పురస్కరించుకుని బుధవారం యువరాజ్ సింగ్-హాజెల్ కీచ్ల నిశ్చితార్థం జరిగిపోయిందనే వార్తలు ఒక్కసారిగా గుప్పుమన్నాయి.
ఎంగేజ్మెంట్ కోసం గుట్టుచప్పుడు కాకుండా ఇండోనేషియా నగరంలోని బాలి వెళ్లిన యువీ-హాజెల్ జంట ఎంగేజ్మెంట్ కూడా చేసేసుకున్నారు. ఇంకా పెళ్ళెప్పుడు అనేది తెలియరాలేదు. కాగా హాజెల్తో కలిసి ప్రేమాయణం నడుపుతున్న యువరాజ్ సింగ్.. ఇటీవల ఆమెను కలిసి ఢిల్లీలో జరిగిన భజ్జీ, గీతా బాస్రా రిసెప్షన్కు వెళ్ళిన సంగతి తెలిసిందే.