సౌందర్య సాధనాలు మితిమీరి వాడుతున్నారా...! గర్భస్రావం ఖాయం
మేకప్ లేనిదే బయటకు వెళ్ళే మహిళలు చాలా తక్కువ. వాడుతున్నవి అన్నీ రసాయన సౌందర్యసాధక ఉత్పత్తులే. అయితే వాటి వలన ఒక చర్మానికే కాదు. ఆరోగ్యానికి కూడా హానికరం. ఏకంగా గర్భస్రావాలు జరుగుతున్నాయట. వివరాలిలా ఉన్నాయి.
నిత్య జీవితంలో ఉపయోగించే సబ్బులు, షాంపూలు తదితర సౌందర్య సాధక ఉత్పత్తులలోని రసాయనాలు గర్భస్రావానికి కారణమవుతున్నాయని తాజా అధ్యయనంలో తేలింది. వీటితో పాటు ఆహార పదార్థాల ప్యాకింగ్కు ఉపయోగించే కొన్ని రకాల రోగకారక కణాల వల్ల కూడా ఈ ముప్పు పొంచి ఉందని శాస్త్రవేత్తలు హెచ్చరిస్తున్నారు.
ఈ ప్యాథలెట్లు ముఖ్యంగా 5 నుంచి 13 వారాల గర్భవతులలో అబార్షన్కు దారితీస్తున్నాయని పెకింగ్ వర్సిటీ ప్రొఫెసర్ జియాంగ్ హు వివరిస్తున్నారు. ఈ ఉత్పత్తులలో గర్భస్రావానికి కారణమయ్యే ఆరు రకాల ప్యాథలెట్ల జాడలు కనిపిస్తున్నాయని జియాంగ్ తెలిపారు. దీంతో చిన్నిపిల్లల ఉత్పత్తుల తయారీలో వీటిని వాడొద్దంటూ అమెరికా నిషేధించింది.