సెక్స్ తర్వాత ఆమె వాషింగ్ రూమ్‌కు పరుగెడుతుంది... ఈయన పక్కగదిలో నిద్రిస్తాడు...
దంపతులు రాత్రిపూట ఎంతో ఆనందంగా గడపాల్సిన రతి జీవితం నిరుత్సాహం కావడానికి సెక్స్ తర్వాత వారు అనుసరించే మార్గాలే అంటున్నారు సెక్సాలజిస్టులు. అవేంటో ఒక్కసారి చూద్దాం. సహజంగా చాలామంది దంపతుల్లో సెక్స్ ముగియగానే ఇక తమ పని అయిపోయినట్లు భావిస్తారు. ఇలాంటి చేష్టలు కొన్ని తన భాగస్వామికి చిర్రెత్తుకొచ్చేట్లు చేస్తుంది. అవేంటో చూద్దాం.
ఆయన/ఆమె పక్కగదిలో పడుకుంటుంది... సెక్స్ ముగియగానే ఇక ఆరోజుతో భాగస్వామితో పనిలేనట్లు పక్క గదిలోకి వెళ్లి తలుపు వేసుకుని నిద్రపోవడం కొందరు చేస్తుంటారు. ఐతే ఇలాంటి చర్య వల్ల ఇద్దరి మధ్య శృంగారపరమైన బంధాన్ని కాస్త దూరం చేస్తుంది.
సెక్స్ ముగియగానే వాష్ రూమ్‌కు పరుగు... భావప్రాప్తి చెంది వీర్య స్ఖలనమవగానే చాలామంది దంపతులు వాష్ రూముకు పరుగులు పెడతారు. శుభ్రం చేసుకుని పని ముగిసిందన్నట్లు డ్రెస్ చేసుకుని హాయిగా నిద్రకు ఉపక్రమించేస్తారు. ఇది కూడా సరియైనది కాదు. కొంతసేపు దంపతులు సెక్స్ ముగిసిన తర్వాత ఆ తాలూకు ఆనందాన్ని అలాగే అస్వాదిస్తే బంధం బలపడుతుందని అంటున్నారు సెక్సాలజిస్టులు.
ఇంకా ఇలాంటివి కొన్ని... సెక్స్ ముగియగానే, అప్పటివరకూ పక్కగదిలో నిద్రిస్తున్న పిల్లలను తెచ్చి భర్త పక్కన పడుకోబెట్టి ఆ పిల్లవాడిని భర్తకు తగిలించి నిద్ర లాగించేందుకు ఉపక్రమిస్తుంటారు కొందరు భార్యలు. అలాగే సెక్స్ ముగియగానే అదేదో శక్తి మొత్తం కోల్పోయినట్లు ఫీలవుతుంటారు కొందరు పురుషులు. దాంతో వెంటనే డైనింగ్ రూముకు చేరి తినుబండారాలను లాగించేస్తుంటారు. సెక్స్ ముగియగానే భుజించాలన్న నియమాన్ని పెట్టేసుకుంటారు.
మరికొందరు రతి ముగిసిన వెంటనే పక్కకు జరిగేసి తలగడన ఉన్న సెల్ ఫోనును అందుకుని ఏ స్నేహితుడితోనో లేదంటే ఆఫీసులో సహోద్యోగితోనో బాతాఖానీ మొదలుపెడతారు. ఇవన్నీ భాగస్వామికి చిరాకు తెప్పించేవే. కాబట్టి వీర్య స్ఖలనమైపోగానే ఇక పనైపోయినట్లు ప్రవర్తించరాదన్నది దీన్నిబట్టి తెలుస్తోంది.
