''ఆ రోజు చాలా బావుంది'' మెసేజ్, ఏంటంటే నా ఎక్స్ అంటున్నాడు... ఇంకా ఆమెతో....
మా పెళ్లయి రెండేళ్లు దాటింది. ఈ రెండేళ్లు ఎంతో సంతోషంగా ఎంజాయ్ చేశాము. మొన్నీమధ్య మా ఆయన సెల్ ఫోనులో ఓ టెక్ట్స్ మెసేజ్ చూసి షాక్ తిన్నాను. అందులో... ''ఆ రోజు చాలా తీయగా చాలాచాలా బావుంది... యువర్స్'' అని రాసి ఉంది. నేను ఆ మెసేజ్ చూడగానే వెంటనే నా భర్తను దాని గురించి అడిగాను.
అదేమీ లేదు... నా ఎక్స్- గర్ల్ ఫ్రెండ్ కాలేజీ డేస్‌లో విహార యాత్రలకు సంబంధించి అలా రాసిందిలే అంటూ లైట్‌గా తీసి పారేశారు. ఆయన ఎక్స్ గర్ల్ ఫ్రెండ్ అని చెప్పినందుకు ఆయన నిజాయితీ పైన నాకు నమ్మకం కుదిరింది కానీ, నాకెందుకో ఆయన మీద మరో డౌటు ఉంది. తన ఎక్స్-గర్ల్ ఫ్రెండుతో రహస్యంగా ఏమైనా డేటింగ్ చేస్తున్నాడేమోనని అనుమానంగా ఉంది. ఈ విషయాన్ని నేను కనిపెట్టాలంటే ఏం చేయాలి...?
ఇలాంటి విషయాలు మనిషి మనిషీకి తేడాగా ఉంటుంది. కొందరు తమకు ఇంతకుమునుపే గర్ల్ ఫ్రెండ్స్ ఉన్నప్పటికీ, కొన్ని ప్రత్యేక కారణాల వల్ల విడిపోయి మరొకర్ని పెళ్లి చేసుకోవడం జరుగుతుంటుంది. అలాంటప్పుడు ప్రేమికులుగా ఉన్నవారిలో చాలామంది జస్ట్ ఫ్రెండ్స్ గా ఉండిపోతారు. మరికొందరిలో.... తాము పెళ్లాడిన జీవిత భాగస్వామితో జీవితం తృప్తికరంగా లేనట్లయితే పాత ఫ్రెండ్ తో మళ్లీ సంబంధాలను వెతుక్కుంటుంటారు.
ఇంకొందరు తమ సంబంధాన్ని అలాగే కొనసాగిస్తుంటారు. ఇకపోతే ఇలాంటి విషయాన్ని డిటెక్టివ్ మాదిరిగా సంబంధం ఏమిటో తెలుసుకోవాలని అనుకునేకంటే మీ అసంతృప్తిని భర్తతో చెప్పేయడం మంచిది. ఆయన ముందుగా కాస్త అసంతృప్తిని వ్యక్తం చేసినా మెల్లమెల్లగా అర్థం చేసుకుంటారు. మీరనుకుంటున్నట్లు మళ్లీ డేటింగ్ వంటివేమైనా వుంటే మీరు వెలిబుచ్చిన అసంతృప్తితో క్రమంగా దూరమయ్యే అవకాశాలుంటాయి.
