అతడి మాటలకి లైంగికంగా లొంగిపోతున్నా.. ఇదేమైనా జబ్బా?
నాలుగేళ్ల క్రితం భర్తకు విడాకులిచ్చాను. నేను ఉద్యోగం చేసే ఆఫీసులో ఓ కొలీగ్ నా యోగక్షేమాల పట్ల చనువు తీసుకుని కావలసినవి చేసిపెట్టడం చేస్తున్నారు. ఎందుకో తెలియదు... ఓ రోజు మా ఇద్దరిమధ్య జరిగిన సంభాషణ సెక్సు వద్దకు తీసుకెళ్లింది. తొలిసారి అతడితో అనుకోకుండానే సెక్సులో పాల్గొన్నాను. ఆ మరుసటి క్షణం ఇక ఇలాంటి సంబంధానికి తెర వేయాలని అనుకున్నా. కానీ అతడిని చూసినా, అతడు రతి గురించిన మాటలు మాట్లాడినా తెలియకుండానే రతి క్రియకు సహకరిస్తున్నాను. నేనేమైనా మానసిక సమస్యతో బాధపడుతున్నానా లేదంటే సెక్సు సంబంధ జబ్బు ఏమైనా వచ్చిందేమోనని అనుమానంగా ఉంది...
భర్తకు విడాకులు ఇచ్చిన తర్వాత ఆ విషయం తెలుసుకున్న పురుషుల్లో కొందరు ఇలాగే దగ్గరవుతుంటారు. భర్త నుంచి విడాకులు తీసుకున్న స్థితిలో ఇలా దగ్గరైన పురుషుడు తనకు అనుకూలంగా పరిస్థితిని మలుచుకుంటూ అందుకు అవసరమైన మాటలు చెపుతాడు. ఆ ఫలితమే ప్రస్తుత మీ స్థితి. మీకు జబ్బు లాంటిదేమీ లేదు. కాకపోతే ఒక్కసారి సెక్స్ సుఖం చూసిన మీరు మళ్లీమళ్లీ అదే కావాలని ఆ దిశగా వెళుతున్నారు. స్థిర చిత్తం కోసం మనసును మళ్లించండి. ఆధ్యాత్మిక గ్రంధాలను చదువుతూ యోగా సాధన చేయండి. మీ మనస్సు మీ ఆధీనంలో ఉంటుంది.
