పాత బాయ్‌ఫ్రెండ్ ఫోటో పెట్టుకుంది... సెక్స్ అంటే పట్టించుకోవడంలేదు...
నా భార్య అంటే నాకు చెప్పలేనంత ఇష్టం. ఈమధ్య ఇద్దరం పరస్పరం కాలేజీ రోజుల్లో జరిగిన సంఘటనలు గురించి చెప్పుకున్నాం. నేను కాలేజీ చదివే రోజుల్లో నా గర్ల్ ఫ్రెండ్స్ పరిచయాలు అన్నీ చెప్పాను. ఆమె కూడా తనకో బోయ్ ఫ్రెండ్ ఉండేవాడని చెప్పింది. అది జరిగి నాలుగైదు నెలలు గడిచిపోయింది. ఈమధ్య ఆమెలో ఓ మార్పు కనబడుతోంది. సెక్స్ అంటే ఇంట్రెస్ట్ చూపడంలేదు. పైగా తన పాత బోయ్ ఫ్రెండ్ ఫోటోను చూస్తూ అతడి గురించిన విషయాలు చెపుతోంది. ఆమె వైఖరి ఎందుకిలా మారింది...?!!
స్కూలు, కాలేజీ చదివే రోజుల్లో గాళ్స్ అండ్ బాయ్ ఫ్రెండ్స్ ఉండటమూ, వారిని అభిమానించడమూ మామూలే. ఐతే ఆ అభిమానమంతా బెడ్రూంకు ఆవల మాత్రమే ఉండాలి. ఎంత స్నేహితుడైనప్పటికీ పడకగదిలోకి కూడా వారి ఫోటోలను తెచ్చిపెట్టుకునేంత వరకూ రాకూడదు. అసలు దీనికి కారకులు కూడా మీరే అనుకోవాల్సి ఉంటుంది. పాత జ్ఞాపకాలను మీరు గుర్తు చేసుకోవడమే కాకుండా ఆమెకు గుర్తు చేశారు. పైగా మీరు మీ పాత స్నేహితుల పట్ల ఎలా ఉంటున్నారన్నది స్పష్టం చేయలేదు. మీ వైఖరి మార్చుకుంటే ఆమె కూడా మెల్లగా మారుతుంది.
ఐనా ఆమె అలాగే ప్రవర్తిస్తుంటే ఈ విషయాన్ని మెల్లగా ఆమెకు బాగా సన్నిహితంగా ఎవరు ఉంటారో చూచి వారి ద్వారా బ్రెయిన్ వాష్ చేయించే ప్రయత్నం చేయండి. అంతేతప్ప ఆ ఫోటోలో ఉన్న వ్యక్తికీ నీకు సంబంధం ఏంటంటూ గొడవ చేస్తే మరిన్ని ఇబ్బందులు ఎదుర్కోవాల్సి వస్తుంది.
