మోకాలినొప్పికి చెక్ పెట్టాలంటే ఈ ఆహారం తీసుకోవాల్సిందే!
మోకాలినొప్పి వేధిస్తుందా? దీనికి చెక్ పెట్టలేకపోతున్నారా? అయితే ఫుడ్ డైట్ ప్లాన్ మార్చండి. మోకాలి నొప్పి దూరం చేసుకోవడం అంత సామాన్యం కాదు. అయితే మెల్లమెల్లగా మోకాలి నొప్పిని దూరం చేసుకోవచ్చు.
30 ఏళ్లకే మోకాలి నొప్పితో బాధపడుతుంటే పాల ఉత్పత్తులు, పప్పు దినుసులకు సంబంధించిన ఆహార పదార్థాలను ఎక్కువగా తీసుకోకండి. గ్రీన్ వెజిటబుల్స్, ఆకుకూరలు తీసుకోవాలి. రోజూ కాసేపు సూర్యరశ్మి శరీరంపై పడేట్లు నిలబడాలి. తద్వారా డి విటమిన్ తయారవుతుంది. ఇది ఎముకలకు బలాన్నిస్తుంది. చిన్నప్పటి నుంచే నడక, ఈత, సైక్లింగ్ వంటి ఎక్సర్‌సైజులు చేయాలి.
ఇంకా బరువు పెరగడం ద్వారా మోకాలి నొప్పి తప్పదు. శరీరభారమంతా కాలి మోకాలిపై పడటం ద్వారా కీళ్ళనొప్పులు అధికమవుతాయి. అందుచేత మోకాలి నొప్పికి చెక్ పెట్టాలంటే ముందు బరువు తగ్గడం చాలా అవసరం. అలాగే ఆహారంలో మార్పులు, వ్యాయామాలు, యోగాలు తప్పనిసరిగా పాటించాలని ఆరోగ్య నిపుణులు అంటున్నారు.
