రైనీ టిప్స్ : ఇలా చేస్తే ఆరోగ్యంగా ఉంటారు...
చలికాలంలో జలుబు, దగ్గు అనేవి సర్వసాధారణం. వాతావరణంలో చోటుచేసుకున్న మార్పులతో పాటు చల్లటి గాలులు, సూర్యరశ్మి తక్కువగా ఉండటం వీటికి కారణంగా చెప్పొచ్చు. అయితే, ఆహారంలో కొన్ని రకాల మార్పులు చేసుకున్నట్టయితే చిన్నపాటి అనారోగ్యాలబారిపడకుండా జాగ్రత్తపడొచ్చు. అవేంటో ఓసారి పరిశీలిద్ధాం.
అల్లం : తేనెతో కలిపి అల్లం ముక్కలనుగానీ, అల్లం రసంనుగానీ రోజూ తీసుకున్నట్టయితే దగ్గు, జలుబు వంటి సమస్యలు దరిదేరవు. జీర్ణశక్తి కూడా మెరుగ్గా ఉంటుంది.
పసుపు : రాత్రిపూట నిద్రపోయే ముందు పాలలో కొద్దిగా పసుపు కలుపుకుని తాగాలి. జలుబు దగ్గు, తలనొప్పి వంటి సమస్యలు తగ్గిపోవడమేకాకుండా రోగనిరోధకశక్తి పెరుగుతుంది.
ఖర్జూరం : వీటిలో కొవ్వు తక్కువ మోతాదులో, పోషకాలు ఎక్కువ మోతాదులో ఉంటాయి. చలికాలంలో ఎదురయ్యే ఆరోగ్య సమస్యలను ఖర్జూరం నివారిస్తుంది.
డ్రైఫ్రూట్స్ : ఎక్కువ వేయించిన ఆహార పదార్థాలు, కూరలు జీర్ణాశయం పనితీరుపై ప్రభావితం చూపిస్తాయి. డ్రైఫ్రూట్స్‌ను స్నాక్స్‌గా, ఆహారంలో భాగం చేసుకుంటే శరీరానికి కావాల్సిన పోషకాలు అందుతాయి. అనారోగ్యం బారిన పడకుండా ఉంటారు.
