డోనాల్డ్ ట్రంప్ రసికత... బయటకు పొక్కకుండా లంచం
అమెరికా అధ్యక్షుడు డోనాల్డ్ ట్రంప్ వైట్‌హౌస్‌లో అడుగుపెట్టకముందు రాసలీలలు అన్నీఇన్నీకావు. అమ్మాయిలంటే పడిచచ్చే ట్రంప్ గతంలో ఓ పోర్న్ స్టార్‌తో శారీరక సంబంధం ఉండేదట. ఆమె పేరు స్టెఫానీ క్లిఫోర్డ్‌. అమె
అమెరికా అధ్యక్షుడు డోనాల్డ్ ట్రంప్ వైట్‌హౌస్‌లో అడుగుపెట్టకముందు రాసలీలలు అన్నీఇన్నీకావు. అమ్మాయిలంటే పడిచచ్చే ట్రంప్ గతంలో ఓ పోర్న్ స్టార్‌తో శారీరక సంబంధం ఉండేదట. ఆమె పేరు స్టెఫానీ క్లిఫోర్డ్‌. అమెరికాలో పేరు ఉన్న శృంగారతార. ఆమెతో ట్రంప్ పలుమార్లు రాసలీలలు కొనసాగించినట్టు సమాచారం.
కాలిఫోర్నియాలో 2006లో లేక్‌ తహో గెస్ట్‌హౌస్‌ వద్ద మూడోసారి కలిశారు. అది కూడా మెలీనియాను మూడో భార్యగా చేసుకున్న ఏడాదిలోగానే! ఈ వ్యవహారాలు చాలా సార్లు బయటకు పొక్కాయి కూడా. ఈ విషయం బయటకు పొక్కకుండా ఉండేదుకు డోనాల్డ్ ట్రంప్ తన ప్రేయసికి లంచం ఆశచూపారు.
తన లాయర్‌ మైఖేల్‌ కోహెన్‌ ద్వారా లక్షా 30 వేల డాలర్లు (దాదాపు 83లక్షల రూపాయలు) ఆమెకు పంపి 'మన బంధంపై నోరెత్తవద్దు' అని కోరినట్టు సమాచారం. దీంతో స్టెఫానీ మిన్నకుండిపోయింది. అయితే, ట్రంప్ చెల్లింపుల వ్యవహారం మాత్రం లీక్ బయటకు పొక్కకుండా దాచలేక పోయారు.
ట్రంప్ రసికత వెల గురించి వాల్‌స్ట్రీట్‌ జర్నల్‌ ఓ కథనాన్ని ప్రచురించింది. అందులో పూర్తి వివరాలను పేర్కొన్నారు. దీంతో ఆగ్రహం చెందిన ట్రంప్ లాయర్‌ కోహెన్‌ సదరు పత్రికపై పరువునష్టం దావా వేశారు. పనిలో పనిగా స్టెఫానీ చేత కూడా నోటీసులిప్పించారు.
