రక్తపిశాచి కావాలనుకుని.. బాయ్‌ఫ్రెండ్ చేత రక్తం తాగించింది..
టీవీల ఎఫెక్ట్‌తో ఏమో గానీ.. అమెరికాలో ఓ యువతి రక్తపిశాచి కావాలనుకుని బాయ్ ఫ్రెండ్‌చే రక్తం తాగించింది. ఈ ఘటన నవంబర్ 23వ తేదీన అమెరికాలోని స్ప్రింగ్ ఫీల్డ్ లో జరిగింది. తన బాయ్ ఫ్రెండ్‌ను ఇంటికి పిలిపి
టీవీల ఎఫెక్ట్‌తో ఏమో గానీ.. అమెరికాలో ఓ యువతి రక్తపిశాచి కావాలనుకుని బాయ్ ఫ్రెండ్‌చే రక్తం తాగించింది. ఈ ఘటన నవంబర్ 23వ తేదీన అమెరికాలోని స్ప్రింగ్ ఫీల్డ్ లో జరిగింది. తన బాయ్ ఫ్రెండ్‌ను ఇంటికి పిలిపించిన విక్టోరియా వనట్టెర్ అనే టీనేజీ గర్ల్.. అతడితో ముందు మద్యం సేవించేలా చేసింది. ఆ తర్వాత తన రక్తం తాగాలంటూ అతడిని ఒత్తిడి చేసింది. రక్తం తాగడానికి తొలుత ఒప్పుకోలేదు. ఆపై ఓకే చేశాడు. దీంతో, తన చేతిని బాక్స్ కట్టర్ చేత కట్ చేయించి, తన రక్తాన్ని అతడిచేత తాగించింది.
ఇంతలో ఏమైందో ఏమో కానీ ఇద్దరి మధ్య గొడవ జరిగింది. దీంతో కోపంతో ఊగిపోయిన ఆ యువతి కత్తితో అతనిపై దాడి చేసి, చంపబోయింది. ఈ క్రమంలో, అతని భుజంలో కత్తి కూడా దిగింది. ఈ ఘటనపై సమాచారం అందుకున్న పోలీసులు.. విక్టోరియా ఇంటికి చేరుకున్నారు. ఆ సమయానికి వారిద్దరూ రక్తపు మడుగులో పడి ఉండగా.. వారిని ఆస్పత్రికి తరలించారు. ఆ తర్వాత వారిద్దరినీ ఆసుపత్రికి తరలించి, చికిత్స అందించారు. ఆమెను కోర్టులో ప్రవేశపెట్టగా... తనను క్షమించి వదిలేయాలని వేడుకుంది. దీంతో, 1.50 లక్షల డాలర్ల పూచికత్తుతో ఆమెకు జైలు శిక్షను విధించారు.
