అమెరికాతో వార్‌కు రెఢీ : ఉత్తర కొరియా నేత కిమ్ జోంగ్ ఉన్
అమెరికా, దాని మిత్రపక్ష దేశాలతో యుద్ధానికి సిద్ధం కావాలని ఉత్తర కొరియా నేత కిమ్ జోంగ్ ఉన్ ఆదేశాలు జారీ చేశారు. ప్రత్యర్థి దక్షిణ కొరియాతో కలసి అమెరికా సంయుక్త సైనిక విన్యాసాలు చేయడంతో, కిమ్ ఈ వ్యాఖ్యలు చేశారని ప్రభుత్వ మీడియా పేర్కొంది.
సుమారు 10 యుద్ధ విమానాలు, విమాన విధ్వంసక క్షిపణులను ఈ విన్యాసాల్లో భాగంగా ప్రదర్శించడంతో కిమ్ ఆగ్రహంగా ఉన్నట్టు సమాచారం. అన్ని సైనిక విభాగాలు పూర్తి స్థాయిలో యుద్ధ సన్నాహకాలు చేయాలని కొరియన్ సెంట్రల్ న్యూస్ ఏజెన్సీ తెలిపింది.
