రేప్ చేయబోయిన దొంగ.. ఎయిడ్స్ ఉందంటూ తప్పించుకున్న 88 యేళ్ళ వృద్ధురాలు.. ఎక్కడ?

తనపై అత్యాచారం చేసేందుకు యత్నించిన ఓ దొంగకు 88 యేళ్ళ భామ తేరుకోలేని షాక్ ఇచ్చింది. ఇక అంతే.. ఆ దొంగ.. రేప్ సంగటి అంటుంచే తన ప్రాణాలు కాపాడుకునేందుకు రెండు కాళ్ళకు బుద్ధి చెప్పి అక్కడ నుంచి పారిపోయాడు.

తనపై అత్యాచారం చేసేందుకు యత్నించిన ఓ దొంగకు 88 యేళ్ళ భామ తేరుకోలేని షాక్ ఇచ్చింది. ఇక అంతే.. ఆ దొంగ.. రేప్ సంగటి అంటుంచే తన ప్రాణాలు కాపాడుకునేందుకు రెండు కాళ్ళకు బుద్ధి చెప్పి అక్కడ నుంచి పారిపోయాడు. అమెరికాలోని పెన్సిల్వేనియాలో జరిగిన ఈ సంఘటన వివరాలను పరిశీలిస్తే... 

ఆమె వయస్సు 88 యేళ్లు. పేరు హెలెన్ రెనాల్డ్స్. బాగా వయస్సు మళ్లిన వయస్సులో ఇంటిలో ఒక్కటే ఉంటూ నివశిస్తూ వస్తోంది. దీన్ని గమనించిన ఓ దొంగ ఇంట్లోకి ప్రవేశించి.. ఆమె రెండు చేతులు కట్టేసి... నోటికి ప్లాస్టర్ అంటించాడు. ఆ తర్వాత ఆమె పర్సుతో పాటు.. ఇంట్లో ఉన్న డాలర్లను దోచుకున్నాడు. 

తన పని ముంగించుకుని వెళ్తూ... ఆమెపై మనస్సు పడ్డాడు. ఇకేమాత్రం ఆలస్యం చేయకుండా ఆమె నోటికున్న ప్లాస్టర్ తీసి.. ముద్దు పెట్టి.. చేతులు తడుముతూ అత్యాచారం చేసేందుకు యత్నించాడు. ఈ సమయంలో పెద్దావిడ ఆమె తన తెలివితేటలను ప్రదర్శించింది. 

‘‘నాకు ఎయిడ్స్ వ్యాధి ఉంది. నా భర్త కూడా ఎయిడ్స్ వ్యాధితోనే చనిపోయాడు. అంతా చెప్పాను. ఇక నీ ఇష్టం.. రేప్ చేస్తే చేసుకో నీ ఇష్టం’’ అని అబద్ధం చెప్పింది. ఈ మాటలు విన్న దుండగుడికి చెమటలు పట్టాయి. హమ్మయ్య.. అంటూ క్షణాల్లోనే అక్కడి నుంచి కనిపించికుండా పారిపోయాడు. ఎంతైనా పెద్దావిడ పెద్దావిడే కదా.. దొంగను భలే బోల్తా కొట్టించింది.