ప్రధాని ఆస్ట్రేలియా టూర్.. ఐడియాలకు ఆహ్వానం.. వెబ్‌పేజీ ప్రారంభం
దేశ ప్రధాని నరేంద్ర మోడీ నవంబర్ నెలలో ఆస్ట్రేలియాను పర్యటించనున్నారు. ఈ నేపథ్యంలో ప్రజాభిప్రాయాన్ని పొందే విధంగా కొత్త వెబ్‌ పేజీని ఆయన ఏర్పాటు చేశారు. ఈ విషయమై ఆయన మాట్లాడుతూ..నవంబర్ నెలలో తాను చేపట్టనున్న ఆస్ట్రేలియా పర్యాటనలో పలు విధాలైన కార్యక్రమాలలో పాల్గొననున్నట్టు తెలిపారు.
ఇందుకు గాను భారతీయులు మరియు ఆస్ట్రేలియాలో జీవించే భారతీయుల నుంచి అభిప్రాయాలను పొందాలని నిర్ణయించినట్టు తెలిపారు. ఇందుకోసం కొత్త వెబ్‌ పేజీని ప్రారంభించినట్లు తెలిపారు. కనుక ప్రజలు తనతో చెప్పాలనుకునే విషయాలని my gov.in అనే వెబ్‌సైట్ కు వెళ్లి, కొత్తగా ఏర్పాటు చేసిన పేజీలో ప్రజలు తమ అభిప్రాయాలను పొందుపరచాలని పేర్కొన్నారు.
