అమెరికాలో దారుణం... తెలుగు డాక్టర్‌ను పొడిచి చంపేశారు...
అమెరికాలో దారుణం జరిగింది. తెలుగు వైద్యుడిని గుర్తు తెలియని దుండగుడు కత్తితో పొడిచి చంపేశాడు. ఈ దారుణం కాన్సాస్‌‌లోని ఎడ్జ్‌మూర్‌లో క్లినిక్‌ దగ్గర జరిగింది. మృతుడిని డాక్టర్ అచ్యుతారెడ్డిగా గుర్తించా
అమెరికాలో దారుణం జరిగింది. తెలుగు వైద్యుడిని గుర్తు తెలియని దుండగుడు కత్తితో పొడిచి చంపేశాడు. ఈ దారుణం కాన్సాస్‌‌లోని ఎడ్జ్‌మూర్‌లో క్లినిక్‌ దగ్గర జరిగింది. మృతుడిని డాక్టర్ అచ్యుతారెడ్డిగా గుర్తించారు.
ఆయ‌న మృతదేహాన్ని పార్కింగ్‌ వెనుక భాగంలో పోలీసులు గుర్తించి, ఉమర్‌ రషీద్‌ దత్ అనే అనుమానితుడిని విచితలోని కంట్రీక్లబ్‌ దగ్గర అదుపులోకి తీసుకున్నారు. ఆ దుండగుడు అచ్యుతా రెడ్డితో కాసేపు మాట్లాడి ఒక్క‌సారిగా కత్తితో దాడి చేశాడని పోలీసులు గుర్తించారు.
మృతుడి స్వస్థలం నల్లగొండ జిల్లాలోని మిర్యాలగూడ. ఆయ‌న ఉస్మానియా మెడికల్‌ కాలేజీ నుంచి 1986లో వైద్య విద్యను పూర్తి చేసి, 1989 నుంచి అమెరికాలో వైద్యుడిగా ప‌నిచేస్తున్నారు. అచ్యుత రెడ్డి మృతిపై తెలంగాణ మంత్రి కేటీఆర్ దిగ్భ్రాంతి వ్య‌క్తం చేశారు.
