శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By pnr
Last Updated : శుక్రవారం, 12 జనవరి 2018 (16:29 IST)

యేడాదికోసారి స్నానం.. కాపురం చేయలేను... విడాకులు కోరిన భర్త

సాధారణంగా పంతాలు, పట్టింపులు, మనస్పర్థలు, ఆధిపత్యపోరు లేదా కట్నకానుకలు, వేధింపులు ఇలాంటి విషయాల్లో భార్యాభర్తలు విడిపోవాలని కోరుకుంటారు.

సాధారణంగా పంతాలు, పట్టింపులు, మనస్పర్థలు, ఆధిపత్యపోరు లేదా కట్నకానుకలు, వేధింపులు ఇలాంటి విషయాల్లో భార్యాభర్తలు విడిపోవాలని కోరుకుంటారు. కానీ, తైవాన్‌కు చెందిన ఓ వ్యక్తి తన భార్య శుభ్రతగా లేదని పేర్కొంటూ విడాకులు కోరుతున్నాడు. తన భార్య వ్యక్తిగత శుభ్రత పాటించడం లేదనీ, యేడాదికోసారి స్నానం చేస్తోందని, అందువల్ల ఆమెతో తాను కాపురం చేయలేనని మొత్తుకుంటూ విడాకులు కోరుతున్నాడు. ఇందుకోసం ఆయన ఏకంగా కోర్టునే ఆశ్రయించాడు. 
 
కోర్టులో దాఖలు చేసిన పిటీషన్‌లోని అంశాలను పరిశీలిస్తే, "ప్రేమించుకునే సమయంలో నా ప్రియురాలు వారానికోసారి స్నానం చేసేది. పెళ్లయిన తర్వాత ఏడాదికోసారి మాత్రమే స్నానం చేస్తోంది. అది కూడా 6 గంటల సమయం తీసుకుంటోంది. రోజూ ఉదయం పళ్లను శుభ్రం చేసుకునే అలవాటు కూడా లేదు. ఉద్యోగం చేయొద్దంటూ పోరు పెడుతోంది. దాంతో ఉద్యోగం మానేసి మరో ప్రాంతానికి వెళ్లగా, వెతుక్కుంటూ అక్కడకు కూడా వచ్చి మరీ వేధిస్తోంది. ఆమెతో నేను కాపురం చేయలేను" అంటూ తన గోడు వెళ్ళబోసుకున్నాడు.