Widgets Magazine

రిలయన్స్ జియో కొత్త ప్లాన్.. జియో లింక్ పేరుతో.. 90 రోజులు ఉచిత డేటా

దేశ వ్యాప్తంగా ఉచిత డేటాతో సంచలనం సృష్టించిన రిలయన్స్ జియో ప్రస్తుతం తన వినియోగదారుల సంఖ్యను మరింత పెంచుకునే దిశగా సరికొత్త సేవలను తీసుకురాబోతుంది. ఇందులో భాగంగా జియో లింక్ పేరుతో దేశంలోని కొన్ని ప్రా

selvi| Last Updated: మంగళవారం, 26 జూన్ 2018 (11:08 IST)
దేశ వ్యాప్తంగా ఉచిత డేటాతో సంచలనం సృష్టించిన రిలయన్స్ జియో ప్రస్తుతం తన వినియోగదారుల సంఖ్యను మరింత పెంచుకునే దిశగా సరికొత్త సేవలను తీసుకురాబోతుంది. ఇందులో భాగంగా జియో లింక్ పేరుతో దేశంలోని కొన్ని ప్రాంతాల్లో కొత్త సేవలను ప్రారంభించింది. దశల వారీగా ఈ సేవలు దేశ వ్యాప్తంగా అమల్లోకి తెచ్చేందుకు జియో రంగం సిద్ధం చేస్తోంది.
 
ఈ ప్లాన్‌లో భాగంగా రూ. 2,500తో సెట్ టాప్ బాక్సును పోలి ఉండే ఒక చిన్న పరికరాన్ని కొనుగోలు చేయాల్సి ఉంటుంది. శాటిలైట్ డిష్ లాంటి ఒక చిన్న పరికరాన్ని భవనం పైభాగంలో అమర్చి, కేబుల్ ద్వారా భవనంలోని రూటర్‌కు కలుపుతారు. దీని ద్వారా హైస్పీడ్ వైఫై సేవలు అందుబాటులోకి వస్తాయి. ఈ జియో లింక్ ద్వారా 90 రోజుల వరకు ఈ సేవలు ఉచితంగా లభిస్తాయి. ఆ తర్వాత రూ. 699తో రోజుకు 5జీబీ డేటా వంతున 28 రోజుల వరకు... రూ. 2,099తో రోజుకు 5జీబీ డేటా వంతున 98 రోజుల వరకు సేవలను పొందవచ్చునని జియో ఓ  ప్రకటనలో వెల్లడించింది. 
 
అలాగే రూ. 4,199తో 196 రోజుల వరకు డేటా పొందే ప్లాన్ కూడా వుంది. ఇకపోతే ఈ ప్లాన్ ద్వారా నేరుగా వాయిస్ కాల్స్ చేసుకునే అవకాశం ఉండదు. కానీ, ఫేస్‌బుక్, వాట్సాప్ వంటి మాధ్యమాల ద్వారా వాయిస్ కాల్స్ చేసుకోవచ్చునని జియో ప్రకటించింది. హోటల్స్, మాల్స్, కార్యాలయాలు, అపార్ట్ మెంట్లు తదితర ప్రాంతాల్లో జియో లింక్ ఇండోర్ వైఫై హాట్ స్పాట్‌గా ఉపయోగపడుతున్న సంగతి తెలిసిందే. 


దీనిపై మరింత చదవండి :