మంగళవారం, 19 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By pnr
Last Updated : మంగళవారం, 31 జనవరి 2017 (10:16 IST)

నాలుగేళ్ళ చిన్నారిపై లైంగిక దాడి.. కామాంధుడికి ఐదేళ్ళ కఠిన శిక్ష: పోక్సో కోర్టు తీర్పు

బెంగుళూరులో నాలుగేళ్ళ చిన్నారిపై లైంగికదాడికి పాల్పడిన కామాంధుడికి పోక్సో ప్రత్యేక కోర్టు నాలుగేళ్ళ జైలుశిక్ష విధిస్తూ తీర్పునిచ్చింది. తాజాగా వెలువడిన ఈ తీర్పు వివరాలను పరిశీలిస్తే... 2014లో తన తల్లి

బెంగుళూరులో నాలుగేళ్ళ చిన్నారిపై లైంగికదాడికి పాల్పడిన కామాంధుడికి పోక్సో ప్రత్యేక కోర్టు నాలుగేళ్ళ జైలుశిక్ష విధిస్తూ తీర్పునిచ్చింది. తాజాగా వెలువడిన ఈ తీర్పు వివరాలను పరిశీలిస్తే... 2014లో తన తల్లితో పాటు నాలుగేళ్ల చిన్నారి హెచ ఎస్‌.ఆర్‌ లేఅవుట్‌లోని ఓ చెప్పుల దుకాణానికి బూట్లుకొనేందుకు వెళ్లింది. 
 
షాపులో పనిచేసే ఎస్‌.ఆర్‌.రాఘవేంద్ర అనే యువకుడు ఈ బాలిక శరీరాన్ని తాకుతూ అసభ్యంగా ప్రవర్తించాడు. తల్లి ఫిర్యాదు మేరకు పోలీసులు నిందితుడిని అదుపులోకి తీసుకుని సీసీటీవి ఫూటేజీలను పరిశీలించారు. ఇందులో లైంగిక వేధింపులకు పాల్పడినట్టు నిర్ధారణ అయింది. ఆ తర్వాత రెండేళ్ళ సుదీర్ఘ విచారణ అనంతరం న్యాయమూర్తి రాజేశ్వరి హెగ్డే ఈ కేసులో నిందితుడికి కఠిన శిక్ష విధించారు.
 
కాగా, చిన్నారులపై జరిగే లైంగిక వేధింపుల దాడులపై వేగంగా దర్యాప్తు జరిపేందుకు పోక్సో ప్రత్యేక కోర్టులు ఏర్పాటైన విషయం తెల్సిందే. ఓ కేసులో ముద్దాయికి భారీగా శిక్ష పడటం ఇదే మొదటి సారి గమనార్హం.