బీహార్ ఎన్నికల సిత్రం : దున్నపోతుపై ఊరేగింపు.. జనాలు చూసి జడుసుకున్న దున్న!

దేశంలో బాగా వెనుకబడిన రాష్ట్రం బీహార్. ఈ పేరుకు తగినట్టుగానే ఆ రాష్ట్రంలోని కొందరు వ్యవహరిస్తున్నారు. తాజాగా బీహార్ అసెంబ్లీ ఎన్నికల నామినేషన్ వేళ ఓ స్వతంత్ర అభ్యర్థి చేసిన తీరు ప్రతి ఒక్కరికీ నవ్వు తెప్చించేలా ఉంది.

ఈ ఎన్నికల ప్రక్రియలో భాగంగా నామినేషన్ వేసేందుకు ఓ స్వతంత్ర అభ్యర్థి దున్నపోతుపై ఊరేగుతూ మెడలో బంతిపూల మాలలు, తెల్లటి దుస్తులు ధరించి దున్నపోతుపై దర్జాగా వచ్చారు. తీరా కలెక్టరేట్ వద్దకు వచ్చేసరికి అక్కడున్న జనాలను చూసి ఆ దున్నపోతు బెదిరిపోయి పరుగు లంఘించుకుంది. 

అదృష్టవశాత్తూ అక్కడి జనాలపై పరుగులు తీయలేదు. దీంతో ప్రాణాపాయం తప్పించుకుంది. అంతేకాదండోయ్ ఆ స్వతంత్ర అభ్యర్థి కూడా దున్నపోతు బెదిరిపోయిందని గ్రహించి.. కిందికి దూకి ప్రాణాలను కాపాడుకున్నాడు. ఇంతకీ ఆభ్యర్థి పేరు మనోజ్ యాదవ్. ఎంతైనా బీహారీలు కదా.