హ్యాండ్ బ్యాగులు తనిఖీ చేస్తే విమానాల్లో హైజాకింగ్ ఆగిపోతుందా? మంత్రి ఎకసెక్కెం
భవిష్యత్తులో ఎలాంటి విమాన హైజాకింగ్ ఘటనలు జరగకూడదంటే మహిళలు వాడే హ్యాండ్ బ్యాగ్లను విమానాశ్రయాల్లో తనిఖీ చేసి భద్రతాపరమైన స్టాంప్ వేయాలంటూ కేంద్ర పారిశ్రామిక భద్రతా సంస్థ సీఐఎస్ఎఫ్ మొండి పట్టు పట్టడంపై సాక్షాత్తూ పౌర విమానయాన మంత్రి అశోక్ గజపతి రాజు
భవిష్యత్తులో ఎలాంటి విమాన హైజాకింగ్ ఘటనలు జరగకూడదంటే మహిళలు వాడే హ్యాండ్ బ్యాగ్లను విమానాశ్రయాల్లో తనిఖీ చేసి భద్రతాపరమైన స్టాంప్ వేయాలంటూ కేంద్ర పారిశ్రామిక భద్రతా సంస్థ సీఐఎస్ఎఫ్ మొండి పట్టు పట్టడంపై సాక్షాత్తూ పౌర విమానయాన మంత్రి అశోక్ గజపతి రాజు మండిపడ్జారు. హ్యాండ్ బ్యాగులు తనిఖీ చేస్తారా. ఆ పనెందుకు.. అసలు విమానాశ్రయంలోకి ఎవరికీ పంపకుండా ఉంటే.. హైజాక్కి అవకాశమే ఉండదు కదా.. అని చురకలు అంటించారు మంత్రి.
విమానాశ్రయాల్లో భద్రత మరింతగా పెంచాలంటే అమలుకు వీలుకాని రక్షణ చర్యలు చేపట్టడం అని కాదన్ని మంత్రి హితవు చెప్పారు. ‘‘భద్రతాచర్యలు ఆటంకాలు లేకుండా.. అర్థవంతంగా ఉండాలి. అలా కాకుండా.. ఎవరినీ అనుమతించకుంటే ఇక ఏ సమస్యా ఉండదు. అలాగే.. విమానాలకూ పని ఉండదు..’’ అని వ్యాఖ్యానించారు. సీఐఎస్ఎఫ్ పోలీస్ ఫోర్స్ అని.. పౌరవిమానయాన రక్షణ విభాగం నిర్దేశించిన ప్రమాణాలను అది పాటించాలని చెప్పారు.
పౌర విమానయాన మంత్రి నేరుగా విమానాశ్రయాలను కాపలాకాస్తున్న సీఐఎస్ఎఫ్పైనే సెటైర్లు వేయడం షాక్ తెప్పించింది. ఏమో భవిష్యత్తులో హ్యాండ్ బ్యాగులే పేలుడు సామగ్రికి నిలయాలుగా మారతాయేమో ఎవరు చెప్పగలరు?