సెక్షన్ 8 బాధ్యత గవర్నర్‌దే... హోంశాఖ
విభజన చట్టం అమలును హోంశాఖ పర్యవేక్షిస్తోందని, సెక్షన్-8 బాధ్యత గవర్నర్‌దేనని కేంద్ర హోంశాఖ సహాయ మంత్రి కిరణ్ రిజుజు స్పష్టం చేశారు. ఉమ్మడి రాజధానిలో శాంతిభద్రతలు కీలకసంస్థల విషయంలో గవర్నర్‌ తన విధులు నిర్వర్తించాలని మంత్రి సూచించారు.
సెక్షన్-8పై గైడ్‌లైన్స్‌ ఇవ్వాలని విభజన చట్టంలో లేదని, రెండు తెలుగు రాష్ట్రాల మధ్య విబేధాలు తలెత్తకుండా కేంద్రం తరచూ సమావేశాలు నిర్వహిస్తుందని పేర్కొన్నారు. ఈ మేరకు మంగళవారం లోక్‌సభలో సభ్యుడు అడిగిన ప్రశ్నకు మంత్రి రాతపూర్వక సమాధానం చెప్పారు.
