Widgets Magazine

ఔరా.. ఆ చిన్నారి ధైర్యం... వీడియో వైరల్

ఓ చిన్నారి తన ప్రాణాలకు తెగించి తన తమ్ముడి ప్రాణాలు రక్షించింది. ఆపద సమయంలో ఆ చిన్నారి ప్రదర్శించిన ధైర్య సాహసానికి నెటిజన్లు ఫిదా అయిపోయారు.

cow
pnr| Last Updated: గురువారం, 15 ఫిబ్రవరి 2018 (17:23 IST)
ఓ చిన్నారి తన ప్రాణాలకు తెగించి తన తమ్ముడి ప్రాణాలు రక్షించింది. ఆపద సమయంలో ఆ చిన్నారి ప్రదర్శించిన ధైర్య సాహసానికి నెటిజన్లు ఫిదా అయిపోయారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అయింది. ఈ వివరాలను పరిశీలిస్తే,

రాష్ట్రంలోని కార్వార జిల్లాలోని నవిలాగన్ గ్రామానికి చెందిన కిరణ్ సేత్ అనే వ్యక్తికి ముగ్గురు పిల్లలున్నారు. మంగళవారం పాఠశాలకు సెలవు ప్రకటించడంతో పిల్లంతా ఇంటిదగ్గరే ఉన్నారు. అయితే, పెద్ద కుమార్తె ఆరతి (8) తన తమ్ముడు కార్తీక్(2)ను ఇంటి ఆవరణలో తోపుడుబండిపై ఎక్కించుకుని ఆడిస్తుంది.

ఇంతలో రోడ్డుపై వేగంగా పరుగెత్తుకుంటూ వచ్చిన ఓ ఆవు ఎరుపు రంగు చొక్కా వేసుకుని ఆ రెండేళ్ల చిన్నారిపై దాడి చేయడానికి ప్రయత్నించింది. అయితే ఆరతి తెలివిగా వ్యవహరించడంతో చిన్నారి ప్రాణాపాయం నుంచి తప్పించుకున్నాడు. ఈ దృశ్యాలన్నీ అక్కడే ఉన్న సీసీ టీవీ కెమెరాలో రికార్డు అయింది. ఇప్పుడు ఈ వీడియో సోషల్ మీడియాలో వైరల్ అవుతుంది. ఆరతి ప్రదర్శించిన ధైర్యం అద్భుతమంటూ నెటిజన్లు సోషల్ మీడియాలో ప్రశంసల జల్లు కురిపిస్తున్నారు.




దీనిపై మరింత చదవండి :