నాకు కేబినెట్ ర్యాంకు వద్దు.. సన్యాసమే చాలు: బాబా రాందేవ్
ప్రఖ్యాత యోగా గురువు రాందేవ్ బాబా హర్యానా ప్రభుత్వం తనకు ప్రతిపాదించిన కేబినెట్ ర్యాంకును తిరస్కరించారు. యోగా, ఆయుర్వేదాలను ప్రమోట్ చేస్తూ, రాష్ట్ర అంబాసిడర్‌గా ఉన్న ఆయనకు క్యాబినెట్ హోదాను కల్పిస్తూ, ఇటీవల హర్యానా సర్కారు నిర్ణయం తీసుకున్న సంగతి తెలిసిందే.
రాందేవ్‌కు క్యాబినెట్ హోదా, బుగ్గ కారు సౌకర్యం విషయంలో దేశవ్యాప్తంగా విమర్శలు వెల్లువెత్తాయి. దీంతో వెనక్కు తగ్గిన రాందేవ్ తనకిచ్చిన హోదాను తిరస్కరిస్తున్నట్టు మంగళవారం ప్రకటించారు. తనను గుర్తించినందుకు హర్యానా ప్రభుత్వానికి ఆయన కృతజ్ఞతలు తెలిపారు.
